世界好快會變得很美 ...

每一年既呢一日, 都會回顧一下過去既一年有咩事令自己最深刻, 印象最難忘 ...

相信 ... 2007 年所發生既事, 應該係打擊最大既一年 ... 在心中吧 !!!

無咩特別想講, 無咩特別再想提 ... 只能說 ...

沒有這麼的 07, 不會有精彩的 08 ...

劉綺琪, 加油吧 !!

多謝梁祖祖 !!! 你都要加油呀 !!! 知唔知 ??

* * * * * * * * * * * * * * * * * * * * * * * * * * * *

今日既節目 ...

dinner with 樂樂 ... 冇錯, 有得食好食喇, 遲 D 搬左, 就少左機會去美棋食雞煲架喇 !!!

打機 + 鋤 dee + 廿一點 with 輝哥, 輝嫂, 基哥 & 新朋友 Alan ... 呢位新朋友, 激似 Mr. Ma ... 連粒墨既位置都係一樣架, 好驚 !!!

都唔明點解男人咁鍾意打 winning ... D 人跑黎跑去, 個波 look 黎 look 去 ... 成棚人追住個波, 乜真係咁好玩咩??

今晚引左個 "世紀大騙徒" 返屋企 ... shit !!! 不過 ... 都幾開心丫 ... 佢地好似好唔好意思咁, 覺得打搞我喎 ...

唏 ... 我屋企成日都會有人上黎打機架啦 ... 眼訓, 我會返房架啦 ... 我係唔會客氣的 !!! 傻傻地 ~~~

咁多位 ... Happy New Year !!!

禱告的秘密 ...

由跟 Zoe (So 小小) 返大宣 ... 再跟思敏 & Jerry 返銅鑼灣團契 ... 直至今日跟 Pooh Pooh 返教堂 ...

唔知點解, 每當我祈禱既時候, 都有個好古怪既情況出現, 即場將呢個小秘密講左俾 Pooh Pooh 聽, 問下點解會咁啦 ... 當時, 佢答我唔到呀 ...

再將呢個小秘密講左俾哥哥知 ... 點知 ... 個傻佬好快咁答到我點解喎 ... 哈 ... 果然係我偶像 !!!

* * * * * * * * * * * * * * * * * * * * * * * * * * * * * * *

給親親親親 ... 親愛的哥哥:

見到你 D 相, 真係好想問 "間屋點可以亂到咁架 ???" 話就話就快搬屋啫 ... no excuse 啦你 !! 又唔見我係咁 !!!

哈 ... 你乜都叻過我, 但係 ... 執屋我一定叻過你 !!! 雖然 ... 又未至於破壞你喺我心目中既形象既 ... 不過, 好想叫你一聲 "lei fair" 仔 ... 哈哈 ~~

及時說愛 ...

無聊, 睇番 D 舊相 ... 做左個小統計 ...

同我影得最多相既人 ... 係你地呀 .... 陳婕盈, 陳珮琪, 張慧貞 & 何思敏 ...

十幾年前 ... 大家既笑容, 無牽無掛 ... 尤其係劉金龍 & 台灣果陣 ... 淨係睇番 D 相, 都可以想像得到果時我地有幾開心 !!

張慧貞, 你記唔記得我同你果張台灣偷情相??
陳珮琪, 你記唔記得深圳公主??
陳婕盈, 你記唔記得我地喺置樂既化妝 PARTY ??
何思敏, 你記唔記得喺我馬田既屋企, 我地帶住副黑超扮盲人 ??
哈 ... 睇番都想笑呢 ~~~~~

十幾年後 ... 雖然冇左以前既天真, 多左幾分顧慮 ... 但係仍然好無聊 & 開心 ...

我真係好想好想講 ... 我好愛你地呀 !!!!!

十年 ... 廿年 ... 三十年後, 我地都仲會咁架可 ??

心仍是冷 ... 梅艷芳 & 倫永亮

看透了冷眼　心早慣沒有說感嘆

冷笑似四散　掩飾我夢裡的燦爛

情緣就像冷雨斷續往還

令我飽經聚散常獨行

愛過也痛過　因失意獨愛靠緊我
冷箭撲向我　即使我獨個的跌坐
情人伴著到老始終不多
情愛每捉弄我
常在跌跌碰碰處境來渡過

對你仍著緊　但痛心
無奈愛在最後最終轉交別人
冷冷長夜深　夢更深
人漸慣在愛路繼續浮沉

天空中星塵如偷泣的眼
如悲哭青春消逝未再返
今孤單一人無聲的感嘆
無盡冷漠冷冰已遺留路間

對你仍著緊　但痛心
無奈愛在最後最終轉交別人
冷冷長夜深　夢更深
明日我又繼續愛路浮沉

* * * * * * * * * * * * * * * * * * * * * * *

今晚 TVB 既 "梅艷芳" 特輯, 聽番呢首歌 ...
曾幾何時, 好鍾意呢首歌 ..
到呢一刻, 都唔覺得梅艷芳已經死左 ...
佢 D 歌, 真係好好聽呢 ~~

A 38 興 QE ...

日前自己執執執, 執左一大喼野過新屋, 懶叻自己拖去新屋 ... 點知個喼太重, 運送時拉親 D 筋, 隔左一日, 好痛好痛 ... 今日痛到連吞啖口水都好痛 ... Lunch 買左碗粥食, 最後連粥都吞唔到 ... 越晏就越痛, 突然上半身麻痺左, 就連同事捉住我對手都好似冇左知覺咁, 抖氣都好痛 ... 好驚, 好痛 ... 越驚就越喊, 越喊就越抖唔到氣 ... 本來同事話車我去法國醫院睇急症, 但係 ... 我連行都行唔到, 大佬最後決定 call 白車送我入 QE ... 造就左我呢次坐白車既經驗 ...

分流完, 等見醫生, 等 check , 等打針, 等照 X 光 ... 一條友喺張擔架床, 喺走廊等果陣 ... 仲驚 !! 好彩後來大佬黎左 ... 同埋打完針, 開始冇咁麻痺, 個心先定 d !!

醫生話我拉親 D 筋, 又唔知點樣好接近 D 神經, 所以會有麻痺既情況出現; 抖唔到氣, 係因為緊張, 同埋肌肉拉到, 就會影響胸肺, 抖氣咪痛囉 ... 打左 2 枝針, 食藥, 做物理治療就應該 OK ... 最後陳仔黎左陪我返屋企 ... 個人好似散左咁 ... 好想即刻訓覺呢 ~~

無啦啦又多左幾日假, 不過 ... 呢個假期, 真係要抖抖 ... 唔準再執野呢 !!!

Special Thanks to ...

阿媽, 大佬 ... 同埋所有圍住我既同事 (雖然你地圍住我果陣, 我仲驚過自己坐喺位)

陳仔 ... 麻煩哂你送我返屋企呀 !! 搞到你連打機局都去唔到 ... sorry 呢 ~~

編輯群組 ...

MSN 既 list , 一向都冇分 group ... 今日無聊地, 想整理一下 ...

• buddies
• customer
• drama
• family
• KTL 同事
• wasabian
• web friend
• 同學仔
• 劈友

呢幾 group , 好容易分 ... 但係 ... 有 D 人, 真係唔知可以放喺邊個位 ...

只有將呢 d 我都唔知可以當佢地係咩既 ... 放喺 ... 其他連絡人 ...

定係 ... 我應該開多一個 group 叫做 "過客" 呢 ??

Merry X'mas @ 2007

Oh my hand !!!

前日同 D 同事打完波, 第二朝訓醒 ... 嘩, 我隻手想點 ?? 邊大邊細 .. 瘀瘀黑黑 !!!

今日無聊地同 IT ger MSN ... send 左呢張無聊相俾佢睇 ... 哈 ... 連佢都好疑惑, 點解打波會搞到隻手咁樣樣架呢 ... 之不過, 原來呢位阿 ger 第二日, 都好痛呢對手 ... 哈 ~~ 大家都老喇 ~~~

any 肥 ... 真係好好好好好好痛囉 ~~~

特別平安的平安夜 ...

24 Dec 07

2007 年的聖誕節, 過得特別寧靜 ... 感覺還好 !! 希望今日既 "可愛", 係發自內心架啦 ... 多謝 "你" 呀 !! 哈哈 ~~

我的第三個薑餅人 ... 多謝餅店既老闆之餘, 更要多謝 Pooh Pooh ... 放心啦, 我下次唔會再摟計, 唔會再眼甘甘咁望住 D 薑餅人架喇 !!!

今晚先知, 原來我有 D 野, 係全世界既女仔都冇架喎 ... 好幸福呢我 ... 多謝一哥 !!! 雖然你整喊我, 但 ... 最後都係笑住咁收線 !! 好想快 D 食到你媽咪既咖哩雞, 蒸肉餅, 炒蟹, 炒大蝦, 水餃 ...

哈, 諗起都覺得好肚餓添 .. 哈 ~~~

Merry Kiss mas Dinner @ 鴻星

23 Dec 07

得到老闆娘既 "協力" 幫助之下, 今晚化身 "方小姐", 相約譚美, 超超 B B, 司徒振振, Lin Lin, Cindy, 肥 ar, 琳琳 & Mimi 食聖誕大餐 ... 之不過, 聖誕節食蟹, 都幾得意 !!!

頭一個鐘, 粒聲都唔出, 事關個個都埋頭苦幹同蟹兒作戰 !! 一路作戰, 一路睇 top model ... 哈, 好忙呢 ~~ 睇完 top model 再睇一擲千金 ... 今晚精句, 睇怕都係 "Myolie" ... 似乎我地真係諗多左喇 !! 飲飽食醉, 開始交換禮物 ... 晚間朋友真係好專業, 好鍾意我地粒幸運星呢 ~~ 今晚我所得到既禮物, 就係超超既 "靚爆鏡" 一塊 ... 好鍾意呢 (因為一直都想買塊大少少既鏡放喺化妝袋架呢) ... miu miu miu ~~~

有人買左新鏡頭, 諗住去影聖誕相 ... 點知 ... 天呀, 點解 ?? 點解會落雨架 ??? 唉 ~~~ 呢個聖誕已經油麻地到不得之了架啦, 點解仲要落雨啫?? 我地影來影去, 都係果個塔同埋果棵奀 chi chi 聖誕樹 ... 哎呀, 好想好想搵棵靚靚地既聖誕樹黎影個相呀 !!! 還記得舊年影左三十幾棵聖誕樹 ... 唉, 今年點解咁架 ??

相又影唔到, 我, 譚美, 振振 & Lin Lin 去左飲野 ... 無敵大海景 ... 雖然個 view 好靚好靚 ... 之不過 ... 咁囉 ~~

好似俾人識穿左 ... 咁囉 ~~

any 肥 ... Merry Kiss mas to all you guys !!!

KTL 大旅行 @ 2007

一年一度既冬季旅行 ... 哈, 今年好近我呢 ... 去左大棠保良局渡假營 !! (呢班就係 KTL 既蟻民喇)

一開始就玩遊戲 ... 被扯左去同老闆娘一隊 ... 一黎就玩濕身遊戲, 果碌 loan loan 膠柱, 係咁噴水 ... 阿啤對我真係好, 果 "殼" 水兜野倒落黎 ... 由頭濕到落腳 ... so dirty !! 水 + 泥沙 ... 我條褲唔洗要喇 !! 之不過呢, 炮彈水袋好好玩呢 !!! 最衰我地個架紮得唔夠實, 如果唔係實射到男子組一身都係 ... 哈 ~~

玩完一大輪 "濕身" 遊戲, 就去燒野食, 交換禮物 (我前世唔知係咪做左 D 咩陰質野, 點解我會抽到份咁既 "既野" ? night 手送左俾奕奕 ... 都好, 奕奕仔錫番我一啖啫 ... 賺左) , 影團體相 (正確黎講係集體 "打咭" 先岩 ... 因為, 要認人樣黎計有冇出席架囉) ... 最後就係頒獎 ... 哈, 明明我地 3 個 game 都冇 win 過第一, 之但係 ... 點解我地會 win 左冠軍架呢 ?? 其實原因好簡單 ... 因為我地既 "隊員" 囉 !!! 同老闆娘一隊, 死都講番生 ... 又點會輸呢 ?? 有獎拎, 緊係拎左先算啦 (雖然引起公憤) ... 拎番個金幣 "仔" 都好丫, 金價貴呀 ... 哈哈 ~~

影完相, 自由活動 ... 有人忽然提議去打排球 ... 好呀好呀, 自從中二, 三打 過班際之後, 都冇再掂過排球喇 !! 自己友打, 就預左 ... 但係, 有 D 人真係估佢唔到 ...

女子組: 菲菲 (sales dept), Kan ( C & C ), Emily (warehouse), Kennis ( HR), Molly (design)

男子 A 組: 小次良 (IT), Barry 仔 (IT @ erp), 培 (物流 ger), Franky (CFO), Terry (finance ger), 春麗媽媽 (sales ger), 阿 Lo (finance)

男子 B 組: Nelson (IT ger), Raymond (物流大 ger), 世伯 (廠長), Joe (a/c ger), 大叔 (好似係 HR 大 ger ... 不過唔知叫咩名, 只係覺得佢好似一位大叔)

哈 ... 冇諗過佢地咁好玩, 打到身水身汗 ... 不停走位走位再走位 ... 太耐冇打, 第一野開波, 個波喺我隔離跌番落黎 ... 真失禮 !!!

世伯一落場, 嚇親 ... 不停有叫 "有 ... 有 ... 有", 波都未到就叫定先 ... 想笑死人咩 !!! 仲有世伯果下 "低飛重擊排球碎心口" ... 全場起哄 !!! 個波打到我應一應, 我知我知 ... 排球係要用手打, 唔可以用心口 "控" 球丫麻 !! 好痛呀呀 ~~~ 死人 Mr. Li 仲笑笑笑 ... 如果你唔係老細, 我實燒你數簿 ... 哈 ~~~

今日先知, KTL 既同事, 除左識得賭錢 & 飲酒之外, 原來都可以好健康架 !!!

呢個 "冬季大旅行", 冇想像中咁無聊呢 ~~~

Holiday Mood ...

21 Dec 07

公司一個二個好似癲左咁 ... 嘈喧巴閉 ... 好似唔洗做咁 !!! 事關聽日公司聽日既無聊旅行, 大佬同二佬不停喺度商量點樣去目的地 ... 討論, 用左半個鐘; 策劃, 用左半個鐘; 畫地圖, 都用左好一陣; 二佬好認真 ... 認真到就連紅綠燈都畫埋出黎, 你 2 個無聊仔丫 !!!

放工好求其咁買左聽日同後日用黎交換既禮物 ... 今年既禮物實在冇乜心思, 邊個收到, 都算佢唔好彩咯 ~~

各位 KTL 既同事, 聽日我地一齊 "集交" 啦 ... 集體遊戲 + 交換禮物 ... 哈, 春麗呀春麗, 你真係好爛呢 ~~~

Long Long Long weekend !!!

20 Dec 07

大佬終於都簽左假紙 (雖然都係玩住野黎簽 ) ... 平安夜可以放假 !! 咁就可以連續放 4 日假喇, 終於可抖一抖 !! 雖然呢個聖誕節冇乜特別想做, 但係 ... 抖下, hea 下都唔錯丫 ...

琴日都仲好地地, 今朝一起身 ... 狂打次次, 個頭痛到爆炸 ... D 鼻水不受控制 ... 肯定係公司 D 人野我 !! 你地就好啦 ... 好番哂喇, 因為 ... 你地已經成功傳左俾人丫麻 !!!

因為一件小事 ... 個心有 D "銀" ...

點解女人唔鍾意名牌, 唔鍾意瘋狂 shopping 而鍾意音樂盒就係變態架呢 ??

有 D 人幾十歲都鍾意玩模型, 玩玩具 .. 唔通又係變態咩 ??

有 D 人冇錢都要買 LV, look 咭爭到周身數, 咁佢地唔係仲變態咩 ??

咁我真係鍾意丫麻 ... 就算我有一百個音樂盒, 我都唔會嫌多架喎 ... 做咩要話我變態喎 ...

同步過冬 !!!

19 Dec 07

唔知由幾時開始, 就同一班好朋友有 "做冬" , "團年" & "開年" 既習慣 (我諗, 冇十年都有七, 八年架架喇) ... 由初時既小貓三四隻, 家下一圍都幾乎坐唔哂 ... 好震撼呢 !!!

今日係做冬既大日子 ... 去左一間有人介紹話食過好多次 (點知原來係記錯左 ... 原來冇去過) 既 "香港老飯店"食飯 ... 出席既人 ... 嘩 ... 有菲菲, 思敏, 小玲, 浩龍, 譚美, 張星星, 錦龍, 打打, 打打的豬, 樂樂, 歐兒, 陳仔, 大王 & 大王嫂 ... 好齊人呢 ~~~ (如果有埋林成, 林芝芝, 大老師同阿 Ken ... 就更加齊人啦)

叫到一枱都係野食 ... 雖然 D 野食油麻地, 不過對住呢班人, 食乜都係好開心架呢 !!! 人大左, 成日都諗番 "舊屎" ... 大王無啦啦提番 "我畢業喇 ~~~ " 呢段 movie & "菲菲拖龜事件簿" 既電台錄音 ... 好想回味下呢 ... 哈 ... 唔知係咪真係會 facebook 見呢 ?? 哈哈 ~~~

食飽飽, 一齊行去搭車 ... 行行下, 可愛教宗突然醒你 "可愛一至十" 既標準可愛動作 ... 很可愛呢 (請用國語讀出) ... 哈哈 ~~

一心諗住去搭村巴 ... 點知去到先發現 ... 原來冇車返建生 !!冇所謂啦 ... 同陳仔散左個步, 都唔錯丫 ... 日日散步身體好丫麻 ~~

今晚 ... 好開心呢 ~~~ 團年飯再見喇, 咁多位 !!!

* * * * * * * * * * * * * * * * * * * * * * * * * * * * * * * * * * * *

To: 星星

點解個 B B 會去左錦龍度架 !!! 你食多 D 野啦 ... 唔好餓親我個仔 (契) 呀 !!!

* * * * * * * * * * * * * * * * * * * * * * * * * * * * * * * * * * * *

To: 靚劉太

D 相 ... 真係唔好放上 facebook 呢 ... 好樣衰呀 !!! 求下你啦 ~~ 靚劉太 ~~~

叮叮叮 !!!

18 Dec 07

有時返工, 真係辛苦到想喊 ... 但係 ... 一同大佬, 二佬同傻 wing 玩起上黎, 又真係可以好開心 ... 有時, 仲玩到癲 Q 哂 ... 就好似今日咁 ... 我個頭, 好痛呀 !! 點解我會玩到撞左個頭埋枱架 !!! 點解我會 liu 起你件衫睇下你著咩底褲架, 媽媽 ..

放工去左地產小姐鋪頭拎埋份租約, 拎完又唔係好想返屋企住 ... 就去左玩具王子間鋪頭坐左陣 ... 嘩, 好多人呢 ... 有位小兄弟, 真係幾乎俾佢笑死呢 ... 千揀爛揀, 揀左個 mario 菇菇 .. 我地問佢係咪買俾女仔 ... 佢就好老實咁答係買黎交換禮物, 點知就跟手喺袋拎左另一份出黎話 "買俾女仔果份係呢度" ... 王子問佢 "見你一表人才, 一定係乜乜學會 ... 點知呢位小兄弟就話 "我打鼓架 ... rock 野" ... 但係我想話呢, 呢位小兄弟個面相, 都 OK "7" ... 王子再整鬼佢 ... "要識女仔, 緊係要玩中樂啦 ... 多 D 女" ... 我當時已經笑到聽唔到呢位小兄弟講咩啦 ... 哈 ~!! 俾佢 2 個笑死 !!!

水下, 幫 下手 ... 王子電話響 ... 嘩 ... 點解會係呢首歌架 ?? 點解同我一樣架 ?? 點解咁冷門都會撞歌架 ?? 好邪呢 ...

傾傾下, 王子話想搵個 Part time 喺聖誕果幾日幫手 ... 請我啦, 請我啦 ... 反正我都唔想出去迫, 又冇乜野做 ...

王子呀王子, 你請我啦 ... 最多唔收你人工, 你包我 3 餐同俾我拎樣玩具走就得架喇 ... (好鍾意隻啤啤呢)

請我啦你 ~~~~

My Starry Life ...

17 Dec 07

今日食左好耐 "解藥" ... 感覺好好多呢, 我都知 ... 好多野唔到自己控制, 控制唔到人地點諗 (正如 10 份餅的理論 ... 你知道呢 10 餅點分咪得囉) , 控制唔到意外發生 ... 公司野, 就算你做得幾好, 但係永遠都唔會做到人地心目中既 100% ... 盡力而為啦 !!!

傾傾下, 突然又提番起 "四年之約" ... 如果呢個約定, 真係可以提前兌現 ... 就好喇 !! 為左唔想有人訓地地, 我都係買梳化啦 ... 哈 ~~

放工約左輝哥車 D 濕星野去新屋 ... so far 上過去既朋友, 評價都唔錯 ... 放低 D 野食左個便飯 ... 計計下 ... 又一個十年 ... 老喇, 點解仲係咁架 (你) ??

any 肥 ... 唔該哂你呀 ... 輝哥 !!!

* * * * * * * * * * * * * * * * * * * * * * * * * * * * * * * * * * * * * * *

To my big bro:

Do u remember what you wrote on your card ??

i will have my own confidence, strength & care even i dont have those stars ... trust me !!

from your lit sis ...

Feel so tired - Part 3

大作戰 again !! 今日終於戰勝廳 + 所有窗 + 窗花 + 窗台 + Toilet ... 有史以黎第一次油 "油" ... 雖然油到一撻撻 (其實只係 ... 係咁易油過下廚房既櫃門 ... 實在太樣衰喇之前) , 不過 ... 都唔係好覺既 ... 聽晚補補佢, 都 OK 丫 ...

作戰其間, 有人送水 & 送餅餅 ... 好 warm 呢 ~~

今日突然好好好好覺得, 神秘人真係變左好多 ... 起碼而家識得關心人 ... 我真係冇諗過要飲水 !!! 有水飲, 又有橙食 ... 仲要餵到埋口 ... 真係好呀 !!!

整晚手震震, 好彩有 Pooh Pooh 幫手 ... 如果唔係, 我諗塊野會再斜 d 添囉 ... 好樣衰呢 ~~

* * * * * * * * * * * * * * * * * * * * * * * * * * * * * * * * * * * * * * * * * * * * *

給斷了片的鍾國強:

點解每次斷片, 你都會打呢個 "4" 字電話架呢 ?? 你咪鬼煩住四仔啦 ...

不過, 四仔好快變做一哥了 ... 哈 ~~

* * * * * * * * * * * * * * * * * * * * * * * * * * * * * * * * * * * * * * * * * * * * *

給神秘人:

冇錯 ... 5 年前跟 5 年後的我, 仍然傻更更 ... 哈 ~~

好感激你覺得我成熟左 ... 你係唯一一個覺得我成熟左 & 叻女左既人 !!! 仲有 ... 感激你既 "感應" !!!

死膠 ??

今日睇到一篇文章, 字面上好似好粗鄙, 但想深一層, 又好有道理 ... 想同人分享下呢 ...

古人說「平生不作虧心事，半夜敲門也不驚！」首先，有邊位深夜俾人拍門會唔驚，另外，究竟有邊位一生都無做過一件虧心事呢？如果你真係無，有冇懷疑過自己其實唔係人，人誰無錯，雖然話錯而能改，善莫大焉，肯認錯就唔會有虧心事，但漫長人生，總有恨錯難返，覆水難收的過案，尤其在巔簸不定的情路上，總有一些人你是欠了他/她，但回頭看，完全無法相信自己曾經與他/她一起過，跟他/她扯上過關係，絕對是人生的其中一個「污點」

這些「污點証人」見証住人類犯錯，往往是因為 「寂寞」、「慾念」，撫心自問，你有幾多次是因為當時空虛寂寞，所以肯接受他/她，又有幾多次是因為酒精令慾念放大，所以竟然跟他/她有過一夜，你又有沒有試過因為當時極度失意，而他/她偏偏在這時出手相助，因而跟她/他不其然撘上，你和她/他的開始，是因為你剛失戀，急需要一個過客陪你過渡傷痛，你出埠工作，在外求學，人在異鄉，你是因為需要一個人，所以跟他/她在一起......

滿足 需要過後，對方就像用過的避孕套，歷史任務完成，再無利用價值，理應功成身退，但世界上絕小有人甘願承認自己是既阻地方、又唔環保，污穢，不屑一顧的「廢膠」，原則上並不是廢膠，是已經死去的「死膠」，卻「膠魂不散」，仍纏擾著那些「虧心人」不放，有些「死膠」有行動，奪命追魂call、sms、msn、icq、facebook、friendster、myspace....總之要迫到他/她回心轉意，死膠復燃，否則永不罷休，又有些道行未夠（又或者其實是更高壇數），會什麼也不做，但就周不時出現於你身邊，你去到邊，死膠跟到邊，還有些死膠會一直唔出現，但就對你仲好過從前，好過其他所有人，全世界無辦法有劉華飛，過兩日你檯面突然有一張，或者三張，總之一定是單數，因為你出現，加死膠先會變成雙數，死膠在等你，你一世都活在死膠的陰影下....

而他/她被膠煩得透不過氣，決定出重金，邊個可以趕得走「死膠」，重酬！於是有高人提供「死膠改名法」，顧名思義就是替他們改名；只要每次「死膠」走近，你恨恨地大聲讀出為他們改的名字 『開亞』或『開啦』，但記住要讀全名，即是『死膠開亞！死膠開啦！』，在越多人面前嗌他們名字，死膠就會走越無地自容，知難而退開，因此我們常常在街上聽到他/她大聲夾恨地，重覆又重覆地叫著死膠的全個名字

『死膠開亞！死膠開啦！』

一般情況下，「死膠」都會可憐地哭著說「點解....點解要咁對我...」，只要你再重覆死膠名字 『死膠開亞！，死膠開啦！！」 ，死膠就會化身成淚膠滑走現場，但如果遇著道行高，怨氣極大的死膠，佢能夠把名字化成瘋癲魔力，「where爛塊面，一拍兩散！」，登時地動山搖，死膠怒吼著『你叫我死膠開？！大家認住呢個男人，騙財騙色，佢呃完你再呃你個妹再呃妳個媽，最後連妳阿麻都呃埋，佢仲有性病，我全家都俾佢惹過，連養果隻龜都有事，變成花柳龜.....」

死膠怒火中燒，追住你開火，燒著了的死膠，黐纏力更強，「死膠纏住」你係無可能甩得身！因此，呢位所謂高人o既方法，係擺明搵笨，又或者佢根本就係「死膠」派過來的臥底 ！

朋友Y小姐一生愛一個人，那人亦一早出現，可惜緣份未到，Peter 邱碌箭遲遲未射落黎，Y小姐等了又等，一次又一次傷心、失望，但仍然不放棄，繼續守侯，伺機再行動，但在那些失落、悲痛的日子裡，她惹來無數關心之星、救援隊長、娛樂大使、慾望天使、物質之神、頹廢之寶、旅遊領隊、飲食專家的援手，而世上是沒有無條件的愛，肯付出，是想要回報，你不肯回報他/她的好意不打緊，最重要是你要肯承認他/她的地位、身份，不是情人，不是愛人無所謂，總之在一班人面前，你要承認我是跟你有關的，而對「心虧人」來講，這就是最難的東西....

後來，Y小姐發明了「一咭遮一咭」的方法，被呢張咭煩住追逼時，就找另一張咭，以新咭趕舊咭走，然後再被新咭追逼時，又結識另一張更新的咭，如果一張新咭唔夠趕，就用兩張、三張....而終於「那一天」降臨了，那人終於收成正果，與Y小姐終成眷屬，Y小姐以為就此可以從娘，可惜舊咭數太多，由不想讓新咭知道從前那些連自己亦不想回首的「壞帳」，終於，有一段時間，Y小姐每每遇到「舊咭」追逼，就會凝視著舊咭良久，然後突然視線向後移，有所發現 『咦！你睇下果邊！』，之後點做，唔駛我教落去，當然這一個是治標唔治本o既方法，避得一次，避唔到一世，終於Y小姐接受「債務重組」，就是不再逃避，見到一張舊咭，就即場互相介紹，就算舊咭如何發功，Y小姐都照單全收，然後向那人坦白從寬；起初，一切是順利，那人亦豁達地接受Y小姐的過去，但當一次又一次，三次又五次，那人開始不安，開始懷疑Y小姐從前還有多小個，還有多小咭數未清，究竟可否完全清還？其實一切已經接近尾聲，但緊急關頭往往是最難守的，那人最終仍是棄Y小姐而去....

小姐心心不忿，自此纏著那人不放，那人用畫各種方法，『死膠開亞！死膠開啦！』 『妳望下果邊！』，但仍無法把Y小姐趕走，終於他用了「一咭遮一咭」的方法，以新咭刺激Y小姐，令她知難而退，Y小姐受到傷害，又去找那些關心之星、救援隊長、娛樂大使、慾望天使、物質之神、頹廢之寶、旅遊領隊、飲食專家....慰藉，久而久之，二人面對大批「咭數」，同時亦肯定其實只愛對方一個 終於再走在一起，然而下半生一起拍拖的生活，就是面對，解決比從前積落更多的「咭數」

怨有頭，債有主，因果循環是天理，除非你奇蹟地找到「無條件的愛」，否則，無論你是在什麼原因下，利用過其他人的愛，令他們變成「死膠」、「怨魂」、「咭數」....你就是欠了人，你就要還，至於還幾耐？幾時開始還？點樣還？要你自己去想想，人家付出過，你零付出就可以清到數嗎？！總之你還遲一秒...隻鬼就立刻係你身後出現！係咪覺得好難受，係就還緊債架喇！慢慢受啦，仲有排受呀，都講過，沒有心的愛就是受 ！

* * * * * * * * * * * * * * * * * * * * * * * * * * *

好好笑 ... 好笑得黎, 又好似好有道理 ...

我不要做 "死膠" ... 我的不名字不 "開亞" 或 "開啦" ！ ！ ！

Feel so tired - Part 2

15 Dec 07

自從拎鎖匙之後, 今日終於有時間上新屋拜神, 清潔 ...

今日好彩有大師兄幫手拎野 ... 如果唔係, 得我一個人, 又要買野拜神, 又要買野拖地 ... 都唔知要行幾多轉先拎得哂 ...

搞左半日, 先至洗好個廚房 ... 真係好累喇 ... 頂唔順, feel 到唔多妥, 頭暈暈 again ... 唯有聽日繼續努力啦 !!!

無論如何, 聽晚都要開始 pack 野喇 ... 如果唔係, 星期一就真係車條 "毛" 咩 !

唔搬都唔知, 原來而家 d 拜神用品, 都有 package 架喎, 你只要同果度 d 人講 "我想拜四角" , 就會一個 package 咁拎俾你 ... 好 pro 呢 ~~

Feel so tired ...

14 Dec 07

連續 3 日喺公司閉關執貨 ... 俾幾千件貨圍住自己, 執到眼花花, 頭暈暈 ... 不停俾人 hur ... 一千二百八十二個辛苦 !!!

終於忍唔住, 好似鬼上身咁 ... 對住 D 貨喊 ... 連還鬼上身 ... 搞乜 ???

想放一日假抖下 & 搞新屋既野 ... 點知有微言, 冇得放 ...

臨收工, 俾大佬叫左入房講左幾句 ...

有 D 迷 ... 有 D 唔知點 ... 咁囉 ~~~

開始對自己冇乜信心 ... 咁囉 ~~~

我的薑餅小姐 ...

好靚好靚 ... 粉紅色裙仔的薑餅人 ...

多謝 Pooh Pooh ... 真係好靚呀 ~~~

Question ???

一直都冇諗過, 呢個問題, 會出自我的晚間朋友 ... 點解會係佢架呢 ???

司徒先生 ... 我真係冇野好講 ... 你好勁呢 ~~~

彩虹 ... 周杰倫

哪里有彩虹告訴我　能不能把我的願望還給我

為什麼天這麼安靜　所有的雲都跑到我這裏

有沒有口罩一個給我　釋懷說了太多就成真不了 　
也許時間是一種解藥　也是我現在正服下的毒藥

看不見你的笑我怎麼睡得著　你的聲音這麼近我卻抱不到 　
沒有地球　太陽還是會繞　
沒有理由　我也能自己走

你要離開　我知道很簡單　
你說依賴　是我們的阻礙 　
就算放開　但能不能別沒收我的愛　
當作我最後才明白

看不見你的笑　要我怎麼睡的著　你的聲音這麼近我卻抱不到
沒有地球太陽還是會繞會繞　沒有理由我也能自己走掉
釋懷說了太多就成真不了
也許時間是一種解藥解藥　也是我現在正服下的毒藥

* * * * * * * * * * * * * * * * * * * * * * * *

今日第一次聽呢首歌

聽左好多好多次 (因為 903 不停播)

個旋律好似一首歌

同樣的感覺 ... 同樣的反應 ...

電郵 @ RockyDeCafe

點解我會 send 個咁既 email ??

點解我會同佢分享 ??

今日睇番 sent mail 先知我講左 D 咁既野 ... 除左飲醉酒 or 鬼上身, 段估我都唔會咁樣樣 ...

好唔好 delete 左佢呢 ?? 哈哈 ~~~

實嚇死佢呢 ~~~

黃金聚會 @ 大牌檔

11 Dec 07

再一次黃金聚會 ... 多左個新成員 ... 感覺還好 ~~~

期間, 有人好擔心黎緊既 X'mas 有咩好做 .. 大家就不停提議 ... 相反地, 我真係冇乜 idea ... 我冇咩想, 只係想快 D 搞掂新屋既野 ... 不過你地有活動, 我都會出席架呢 ...

由細到大, 都好鍾意聖誕節, 不過今年, 好似好怕呢個節日既來臨 ...

快將結業 ...

10 Dec 07

Everything Confirmed !!! 鎖匙都拎埋 ...

RockyDeCafe ... Cafe 1914 ... 1914 荼餐廳 ... 1914 社區會堂快將結業 ...

之後既時間, 將會好忙呢 ...

久違了的紅色跑車 ...

9 Dec 2007

今日冇乜野做 ... Facebook again !! 玩 matching 既時候, 有個問題, 實在太好笑喇 ... between TM ... who is more athletic ?? 好驚呢 ...

呢排神秘人無啦啦又出現番 ...

神秘人知我想搬 ... 不停幫我搵屋 ... 哈, 佢變哂喇 ... 哈哈 ~~~

收 show 後, 睇左幾間屋 ... 就撇下高生高太去神秘人飲左杯野 (凍 0 tea only) 就返屋企 lu ...

嘩, 仲係佢 ... 紅色的跑車 !! 好耐冇見喇 ... 好快, 好爽, 好舒服呢 ~~~ (之不過, 我仍然仲未識得點落車 ... PK again)

神探 @ Element

8 Dec 2007 ...

收 show 後, 約左小美兒, 超超 B B & Lin Lin 去又圓又方既地方睇戲 ... 嗯, 點去呢 ? 問完人, 知道要搭 905 , 西隧口落車 ... 一落車, 嘩 ... 呢個咩地方黎架 ?? 一粒人都冇既 ???

好睇好睇 ... 真係好好睇 ... 一開始就切耳仔 ... 唔敢望, 不停問 B B "切完未呀 ?? 切完未 ?? 仲有聲既 ?? " ... 雖然套戲都 OK 長, 不過, 一 D 悶場都冇 ... 點解會諗到一個咁既故仔 ?? 一個人, 可以有咁多隻鬼 ?? 咁我又有幾多個呢 ? 我想做劉綿玲, 不過, 我諗我只會係林雪 !!!

睇完戲, 食左少少野 ... 又去飲野 ~~

可惜丫 ... 第二日要返工, 如果唔係都坐耐 D ...

嘭 ... 嘭 ... 嘭 ~~~

薑餅人與我

一心諗住帶 bear bear 返屋企, 點知 ... 唉, 唔賣 ... 你就唔好擺 display 啦 !!! 留低左 contact, 希望真係有貨返啦 ...

算數, 搵 Pooh Pooh 食飯 ... 唔覺意睇左個幻彩 fing 香江, 唔覺意飲左杯好好味既古古力, 唔覺意 ... 有個薑餅人 ... 唔知薑餅係咩味架呢 ?? 哎呀 ... 我唔捨得食佢落肚呀 ~~~ any 肥, 多謝 Pooh Pooh ~~

今晚, 終於知道, 我最誠實既地方, 原來係 ... 我個鼻鼻 ...

與 Toilet 為伴的 HK Show

唔知係咪琴晚打邊邊 D 野太油既關係, 今日勁痾 ... 不停拜訪會展既 toilet ... 腳仔軟 ...

雖然好唔舒服, 但係 ... 好唔想返屋企 ... 最後約左劉太陪佢行街買禮物俾老公 ... 我明明係肚痛之麻, 點解夜晚會變左胃痛? 嗱住咁痛 ... 要 "戀" 埋一舊先舒服番 d ....

再行, 食野 ... 一食完, 再嗱野 ... 嘔番哂成碗粉出黎 ... 好空虛呢 (我個肚) ...

雖然仲係好唔舒服, 但係 .... 仲係好唔想返屋企 ... 點都要坐低飲杯野 ... 因為, 我真係好想講下野 ... 你俾我講下野啦 .... 唉 ~~~

一封令人好感慨既 email .. 你已經睇左好多好多次喇 , 唔好再睇喇 ... 好冇 ???

Today's Special ...

Special for Tammy 小姐

一見到個車牌, 就諗起 ... 即刻影低俾你睇呢 ...

( 當時, 好明顯我係坐緊 260 x 返屋企啦 ... can you see that ?? haha )

我們都是紫色的 ...

柏榮生日 ... 約埋小敏一齊食番個生日飯 ... 我好耐都冇見過佢地 2 個喇 ...

一坐低 ... 嘩, 我地洗唔洗咁襯 ?? 3 個都係紫色的 ... 一路食, 我同柏榮都覺得小敏有異樣, 肥左好多呢 ... 又唔好意思問 ... 哈, 我地 2 個白痴, 竟然寫紙仔問小敏 ... 哈, 好開心呢 ... 我就黎又多一個契仔 or 契女喇 ... 不過有 d 人唔想做契爺, 話要做契舅父喎 ... 低 B 的 !!

食飽飽, 去睇燈飾 ... 今年 D 燈飾, 油麻地啦 ... 好似舊年靚 D ... 咁囉 ~~

小敏媽媽今晚既消息, 帶左好多正能量俾我 ... 嘻 ~~~

呢 D 正能量, 要慢慢享用呢 ~~~

我是晴天的 ...

我的全新晴天娃娃 ... 好靚呀你 ~~

邪 !!!

每一次 ... 真係每一次, 神秘人都會喺呢個時候出現 ... 真係好邪呢 !!!

諗諗下, 神秘人已經差不多大半年冇出現過 ... 唔通真係呢位傻佬所講既感應 ??

好驚呀 ~~~

放工自己行左陣街, 無無聊行入間精品店 ... 嘩, 晴天公仔呀 !!! 諗都冇諗就買左一隻 ...

你好靚呀 ~~~~

打打 ... 打打打聚會 ...

個幾月前, 約左一班朋友仔去拜訪打打五星級的家 ... 出席既人有 ... 菲菲, 小玲, 譚美, 譚談愛, Vincent, 樂樂, 芘芘, 大師兄 ...

今日主要既活動 ... 係 3 打 ...

打麻雀: 又 win ... 打打屋企好旺我呢 ~~

打機: 玩到手震震, 叫到拆天, 身水身汗, 好累呢 ~~

打邊邊: 好多野食 ... 今日, 係整個星期食得最多的一餐, 好飽呢 ~~

哈, 好彩 ... 佢地冇話我個頭肉酸啫 ... 我真係好鍾意我個頭呢 ~~~

Imaginary fayma‏ ...

suddenly thinking of my imaginary Fayma ...

hey ... my big bro ...

do you recognize your picture ???

hehe ~~~

我已剪短我的髮 ...

心血來潮 ... 好想剪短哂 D 頭髮 ...

好鍾意我個頭呢 ~~~

So fresh ~~~

Back for good ... Take That

i guess now is time for me to give up
i feel it's time
got a picture of you beside me
got you lipstick mark still on your coffie cup
got a fist of pure emotion
got a head of shattered dreams
gotta leave it, gotta leave it all behind now

whatever i said, whatever i did, i didnt mean it
i just want to back for good
whenever i'm wrong just tell me the song and i'll sing it
you'll be right and understood

unaware but underlined i figured out the story
it wasnt good
but in the corner of my mind i celebrated glory
but that was not to be
in the twist of separation you excelled at being free
cant you find a little room inside for me

whatever i said, whatever i did, i didnt mean it
i just want to back for good
whenever i'm wrong just tell me the song and i'll sing it
you'll be right and understood

and we'll be together, this time is forever
we'll be fighting and forever we will be
so complete in our love
we will never be uncovered again

空白一片 ...

我的音樂盒 s ...

原來我已經有十九個音樂盒喇 ...

轉轉木馬 @ 光仔哥

馬馬水晶球 @ 光仔哥 (法國)

魔術師水晶球 @ Heidi

透明玻璃盒盒 @ 輝哥

Mickey 轉轉 @ Abrenda

水水魔術師轉轉 @ Banny (山頂)

魔術師轉轉 @ 好朋友們

毛公仔馬馬 @ 定中

月亮鴨鴨 @ 贈品

透明玻璃盒盒 @ Vincent

Mickey 木盒 @ 定中

粉紅色小仙子 @ 思敏 (北海道)

轉轉貓頭鷹 @ Johnny & Sammi (北海道)

雪人 @ 靜兒

手動盒仔 @ Wasabi

Classical 木盒 @ 芝芝 (意大利)

晴天公仔手動盒仔 @ Vincent

七彩魔術師 @ Andy

透明盒盒 @ Johnny & Sammi (北海道)

好難得, 仲記得每一個音樂盒既來源 ... 好耐都冇試過拎哂佢地出黎睇喇 ~~

一次過聽 19 個音樂盒, 好震撼呀 ~~

十一月之星

各位十一月之星 ...

生日快樂丫 ~~~

我的快樂王子

我的快樂王子 ... 萬試萬靈 ...

這是我的絕招呢 ~~~

曉生的婚禮 ...

Mr. Fung 結婚了 ... 一直都唔認為呢條友仔係果 D 會結婚生仔既人 ... 哈 ~~~ 爆冷了 ~~

飲宴場地, 好靚丫 ... 果條樓梯, 果個 "樹" 琴, 果隊 live band, 果 crew 影相佬, 好 pro 丫 ~~~

野食 ... 好好味丫 ... 第一次去飲既甜品, 係雪糕紅豆冰 ... 哈, so good 呢 ~~

今晚既小禮物, 係咁多次飲宴, 最有用既 - 潤唇膏 (好 hard sell ) 一支

十一月, 實在太多飲宴 ...

好窮呢 ~~

等價交換 ...

等價交換 again ...

百分率 ... 大概是 20% : 80% ...

如果長期處於那 20% ...

實在太幸福了 ~~~

現實終歸現實 ...

現在的我, 正處於那 80% 當中 ...

Where's my Charger ???

wanna get back my charger ...

where is it ????

邪惡小寶寶 ...

好鍾意呢種 "即興" 既活動 ...

多謝我既老師教我 "如何做一個邪惡小寶寶" ...

希望我可以學成歸來啦 ~~~

戰場上的牛屎琪 ...

唔知係咪唔係好舒服 ... 連打 War Game 都冇乜心機 ...

好快就死 ... 仲要死得好慘添 !!!

返到屋企驗傷 ... 左右手臂, 右腳, 左手手指公都瘀左 ... 右手中指仲流哂血 ...

冇陰功 ...

好痛 ... 連最後果個 game 都冇玩, 要去療傷 ...

好痛呀 ~~~~~

微秋中的青馬大橋 ...

二○○七年十一月十六日 ... 天朗氣清

意外地去左個好靚既地方 ...

意外地欣賞青馬大橋 .. 好可惜, 相機冇電 ... 唔可以將咁靚既風景影低 ...

意外地食左餐好滿足既晚餐 ...

意外地過左一個好開心既星期五 ...

今晚, 真係好開心 ...

謝 !!!

Wonderful trip with ...

一個既興奮, 又發花癲既泰國之旅 已經完滿結束 ... 本來好想將所有野喺呢度同大家分享, 之不過 ... 都係我地幾個知就算喇 ... 因為實在太羞家了 ~~~

Kap Koon Ka ~~~

Wel - come ~~~

Kee ~~~

啊 !!!

錦龍娶妻

二○○七年十一月九日 ... 錦龍娶妻 !!!

之前忙左咁耐, 終於等到呢一日 ... 見到新娘子咁幸福, 咁開心 ... 身為好朋友, 都替佢開心 ... 唔單止結婚開心 .. 仲有 d extra 正能量 ... 嘩 ... 我真係好開心呀 !!! 仲要係 5 月 14 添 ... 哈, 如果真係呢一日, 我實會送份大大大大大禮俾你架 !!!

D 兄弟雖然 really 油麻地, 不過 ... 整個玩兄弟既過程都好開心 !!

返男家, 等等等 ... 3 個白痴婆無啦啦跳起巴雷舞 ... 哈, so mo liu ar ~~

去到酒樓, 同阿四銀做接待小姐, 超累 ... 不問 "你係男家定女家? 親戚, 朋友定同事 ? 而家既同事定係舊同事 ?? " ... 好驚今晚發開口夢都會講住呢幾句野 ... 哈 ~~

雖然整晚都好趕, 但係 ... 都食得好開心 !!! D 賓客開始散水, 我地就開始影無聊相 ... 今晚見到 D 唔係成日都可以見既朋友仔 ... 冰人啦, 華華啦, 芝芝啦, 阿 Ken 啦 ... 嘩 .. 好開心呀 ~~~

散席後, 幫新娘子執好野 ... 要屋企喇 ... 我個喼, 咩都未執過 !!!

聽日就飛喇 ... 我地既懶散食 hea 聽日就出發喇 ...

hey girls ... are u ready ???

gogogo !!!

* * * * * * * * * * * * * * * * * * * * * * * * * * * * * *

TO: 星星 & 錦龍

你地帶左好多正能量俾我呀 !!! 見到你地咁開心, 搞到我都好開心 !!!

希望你地以後都開開心心, 健健康康, 甜甜蜜蜜 ... 日日都冧豬豬 !!

快 d 生個小寶寶, 我好想做靚靚契媽呀 ...

嘻 ~~

陪你倒數 ...

最後召集 ......

仲有一日咋 !!!!

好忙呀 ... 好忙呀 ...

由星期一開始, 已經充滿住 Holiday Mood ... 我個心, 已經飛左去泰國喇 ~~~

呢排, 不停為莧菜小姐既婚禮而忙碌 ... 整呢樣, 諗果樣 ... 雖然好忙, 但係 ... 忙得好開心呀 !!!

我的晚間朋友回來了 ... 好鍾意個 X'mas count down Pooh Pooh 月曆 (因為夠無聊) ... 一日食一粒古古力, 好肥呀 ~~~

早 2 日, 突然好想要一隻啤啤熊 ... 哈, 點知真係有喎 ... 我會帶埋啤啤去旅行架喇 ... 嘻 ~~~

莧菜呀莧菜, 仲有 2 日咋 ... are you ready ???

姊妹呀姊妹, 仲有 3 日咋 ... are you ready ???

大成功 !!!

終於搞掂哂星期五個造型喇 ... 大成功 !!!

明明想食車車 ... 偏偏俾魚湯粉粉吸引了
明明想食魚湯粉粉 ... 偏偏變左炒公仔麵
明明係 XO 醬肥牛炒公仔麵 ... 偏偏變左 XO 醬炒公仔麵

any 肥 ... we are so lam !!

TO: 莧菜小姐

如果我冇估錯, 我諗我應真係會係最最最開心既一個 !! 嘻 ~~~

金銀蛋莧菜 ...

因為棵 "莧菜" ... 大銀, 二銀, 三銀 & 小銀 ... 一齊變身 !!!

左試右試 ... 二銀果個 "白色裙 + 牛褲" & "白色裙 + 簡條" 造型... 真係呢 ... 冇得頂 !!! 二銀呀二銀, 你係咪想笑死我地呢 ???

行完第一站, 再去第二站 ... 點知, 出師不利 ... 小銀仲未有衫添, 快 D 趁 weekend 買啦 !!!

完成任務, 開餐 ... 傾下點樣玩 ... 哈, 諗起都已經好開心 !!! "你地咪 yuk ... 呢座大廈已經俾我地重重包圍 ... " ... 哈哈, 好型呢 ~~~

快 D 到星期五就好喇 ...

星期五之後, 好快就星期六 ... 哎呀 ... 越諗越開心 !!!

Feel So Good ...

心情難得地 "靚" ....

因為 ...

買左條靚裙 ...

同埋 ... 大哥回來了 !!!

嘻 ~~

拜訪玩具小王國 ...

承蒙玩具王子 (有 D 人話, 王子聽落去比起大王後生 D 喎 ... ) 邀請, 今晚去左玩具小王國拜訪 ...

今晚其中一個得著, 就係撞到以前 choir 既郭姐姐, 好勁呀佢 ... 竟然仲記得我, 仲 up 得出我姓劉, 有個琪字 ... 雖然佢 up 左劉綽琪 (呢個係明星仔黎架) , 但係 ... 都非常驚訝 !!! 十幾年喇喎 ... 仲記得 !! 肥姐, 你係得既 !!!

呢 2 日, 透過 "面書" , 不停搵番以前屯門兒童合唱團既朋友仔 ... 琴晚既 "怪獸相事件" 已經覺得好得人驚架啦, 點知 ... 今日仲驚, 原來 ... 其中一位朋友仔, 係識得豬先生架 !! 又一証明 ... 世界真細小小小 ...

至於另一個得著就係 ... 玩具王子既 "一百分理論" 與 "上床 3 次必 XX " 既獨特見解 ... 聽完之後先發覺, 又好似好有道理咁喎 ...

其實, 真係要多謝唐先生, 如果唔係佢帶我行埋 D 咁既地方, 我都唔可以同玩具王子相認 ...

計算

當 有 一 天 我 真 的 找 不 到 你 的 時 候 ，

那 就 是 我 們 已 經 長 大 了 ！

為 什 麼 長 大 了 以 後 ，

有 些 遊 戲 就 不 再 是 遊 戲 了 。

如以數字去計算的話, 已經雙倍奉還了 ...

這些東西, 真的可以這樣計算嗎 ???

好天氣 ???

在心中的約會

突如其來的晚間聚會 ...

在心中吧 !!!

第一步 ...

踏出了第一步 ...

希望仲有第二步 ...

第三步 ...

第四步 ...

將來 ...

對於將來　我們寄昐　我們追逐　我們在乎

到了最後　我們放棄

其實 ...

對於將來　我們無知　我們無力　我們無奈
到了最後　我們抱緊現在


會否好一點 ??

是大陸人 ... 劉菲菲

北上 2 日, 好可惜, 出師不利 ... 唔知醒, 搞到要飛的出中港碼頭 !!! 6:45 起身, 7:40 出到尖咀, 都咪話唔勁 !!
不過, 勁係要付出代價架 ... 就係 ... 盛惠二百二十元正丫, 唔該 !!

上到去, 一個字 ... "悶" !! 呢次上去既目的, 就係護送小姐上廠, 哈 ... 無啦啦做左駐大陸媽媽 ...

呢 2 日, 好彩有培培照顧我地 2 母女, 如果唔係 ... 一蚊都冇, 睇怕都要食屎喇 ...

返到屋企 ... 唔見左細細 ... 唉 ... 原來 ...

細細, 媽媽對你唔住呀 ... 見到你果 2 行眼淚 ... 心痛死媽媽喇 !!!

好, 為左以表示媽媽有幾咁內疚, 俾你食 3 日肉肉啦 !!!

豬宅拜訪記

忙裡偷閒, 拎左日假, 享受一下 LONG WEEKEND !!
半自然醒, 去左豬宅拜訪打打 & 打打的豬 ...

唔怪之得打打猛咁話一見到間屋就唔捨得唔租, 因為 ... 真係好舒服 !!
屋企舒服都不特止, 仲要出面既環境都 Very Nice !!
感覺就好似 ... 去左郊遊 ... 咁囉 ~~
幾乎呀, 俾班牛嚇屎左, 幾驚佢真係撞埋黎呀 ...

To My Dearest DaDa:

劉太出手太重喇, 打到你由頭傷到落腳板底 ... 唔巧意書丫 ~~
雖然劉打知道你真係好痛 ... 之不過, 我真係好想笑呀 ~~!
嘩哈哈 ~~~

Happy Birthday to Lin Lin

Happy Birthday to U ...
Happy Birthday to U ...
Happy Birthday to Lin Lin ...
Happy Birthday to U ...

壽星女 "自己搞掂" 之下, 過左一個好開心既星期五 !!

有得食, 有得玩, 有得笑, 有得飲 ...
天主教之家, 唔明點解會搵李丞責幫 B B 改名 ... 哈, so funny !!!

再次溝酒, 腳步浮浮 ... 仲要去食牛什麵 ... 好好味 ~~

交換溫柔聽得多, 點解我們要在柏麗大道 "交換高踭鞋" .... 超低能 !!!

今晚發現 ... 架小巴係可以返到屋企樓下架 !!! 以後唔洗搭的士喇 ... Yeah !!!

Goodbye but Goodbye ...

關於過去　我們回味　我們沉溺　我們逃避

到了最後　我們忘記

我們的 "小人國" ...

今晚實在太高興喇 ... 祖祖帶給我一個笑到肚痛的一晚 !!!

Rosemary 實在太好笑喇 ... 佢果下咬咀, 呻脷 & tick 腳 ... 嘩, 好嘔心呀 ~~~
基米高 ... 你好靚呀 ~~~
陳積真係好陳積呀 ~~~
星巴克店員 ... 佢講得一口流利既英語 ... 好勁呀 ~~~
Mr. Panda ... 超低能 ~~~
國家騎馬員 ... 跑住咁走, 想笑死人咩 ~~~

哈 ... 真係 "everything 超 want to know" ... 囉 ~~~

唔睇都唔會為意 ... 點解地鐵站既恆生係要黎等人, 等人就一定要去地鐵站既恆生, 喺恆生門口既人, 都係等緊人架呢??
好掛住香港 82" 首歌呀 ~~~

丫丫丫 ... 整個壽臣劇院既觀眾一齊唱生日歌俾祖祖聽 ... 好震撼呀 ~~~

我們都是香港製造的 ..

Keep 住充滿正能量的 2 天 !!

好可惜, 一 D 本人覺得極為無聊既事, 令能量稍為下降 ... 算, 做總結吧 !!

夜晚與晚間朋友黎一個即興晚間聚會 ... 有酸 mei mei , 又有總統餅餅, 今次, 仲要加多左個太陽餅餅 (仲諗住今次台灣之旅會冇得食架添) . 除左呢 D , 仲有一樣全宇宙最最最最最無聊既禮物 ... 正確黎講, 都唔算得係禮物, 又可能係一張咭 ... 哎呀, 都唔知係乜 Q !! 淨係知 ... 我們都是香港製造的 ... 咁囉 ~~~ 好白痴呀 !!!

今晚人地既雪糕指數好似都 OK 高, 一心去食個雪糕, 點知 ... 要等位 ... 下次啦唯有 ...

10 點 ... 散水 ... 叮左落灣仔搭巴士 ... 好似好耐冇搭叮叮 lu ...

84 小時裡面, 扣除訓覺, 返工 , 食飯 ... 都佔左 4 個鐘, 你都算唔話得咯 ... 我的晚間朋友 !! 呵 ~~

Unexpected !!!

一切都是意料之外 ...

大概這就是別人所認為的 "心靈寄托" ...

雖然很遠很遠, 甚麼也不是, 甚麼也做不到 ...

但 ... 確實感到很窩心 ...

確實令我找到正能量 !!!

給大哥的一封信 ...

心情怪怪的 ... 好想搵個地方發洩 ...
最後 ... 寫左封好長, 好長, 好長既 email ...

大哥呀大哥 ...

你幾時返呀?? 我好掛住你呀 ....

有好多好多好多好多好多野想同你講 ...

劉小妹需要你既正能量呀 ~~~

快 D 返啦你 ... 掛死人喇 !!!

逃 .....

回到避難所 ...
感覺還好 ...
謝 !!!

大婚 ... trainning course

星星 & 錦龍大日子在即 ... 主人家約左 D 兄弟姊妹出黎傾下當日有咩做 ...

簡單 D 講, 我同得戚陳左要做收數妹之外, 果日我地只需要喺三聖行來行去 ... 哈 ~~

食飽飽 ... 同埋得戚 & 小美兒去左散 (踁) 步 ... 呢 d 天氣, 散下步真係冇得頂 !!!

星星呀星星 ... 錦龍真係好架啫 ... D 兄弟質數之高, 真係冇人能及 ... 哈 ~~

丫丫丫 ... 第時我見到你, 我一定會 ... Dee ~~~~~

~~~ 完 ~~~

六十蚊的楊千嬅 ...

雖然整體水準唔係話太好 ... 不過, 仍然感動到我 ...

今晚, 真係要多謝小美兒 ... 如果唔係佢, 我地都唔可以用 $60 睇千 fa ... 嘻 ~~

另外 ... 今晚仲要多謝一個 "請我食雪糕的人" .... 之不過呢, 好想提醒你, 唔好亂咁掃我個頭 ... 因為, 我個頭係機關黎架, 一掃, 一摸 ... 就會漏水架喇 ... 知唔知??

思念是一種病 ... 張震嶽

當你在穿山越嶺的另一邊
我在孤獨的路上沒有盡頭

一輩子有多少的來不及 發現 已經 失去
最重要的東西 恍然大悟 早已遠去
為何總是在犯錯之後 才肯相信
錯的是自己 他們說這就是人生
試著體會 試著忍住眼淚
還是躲不開應該有的情緒
我不會奢求世界停止轉動
我知道逃避一點都沒有用
只是這段時間裡 尤其在夜裡 還是會想起
難忘的事情 我想我的思念是一種病
久久不能痊癒

當你在穿山越嶺的另一邊
我在孤獨的路上沒有盡頭
時常感覺你在耳後的呼吸
卻未曾感覺你在心口的鼻息

汲汲營營 忘記身邊的人需要
愛和關心 借口總是拉遠了距離 不知不覺 無聲無息
我們總是在抱怨事與願違 卻不願意回頭看看自己
想想自己到底做了什麼蠢事情 也許是上帝給我一個試煉
只是這傷口需要花點時間
只是會想念 過去的一切 那些人事物 會離我遠去
而我們終究也會遠離 變成回憶

多久沒有說我愛你
多久沒有擁抱 你所愛的人 當這個世界不再那麼美好
只有愛可以讓他更好 我相信一切都來得及
別管那些紛紛擾擾
別讓不開心的事 停下了腳步 就怕你不說 就怕你不做
別讓遺憾 繼續 一切都來得及

當你在穿山越嶺的另一邊
我在孤獨的路上沒有盡頭
時常感覺你在耳後的呼吸
卻未曾感覺你在心口的鼻息
oh~ 思念是一種病

突如其來的感慨 ...

如果可以選擇的話, 你會 ...

從來沒有嘗試擁有的滋味?

還是 .......

勇於接受快樂, 卻要承受失去的痛苦?

黃金組合 ... 合 ... 體 !!

訓得果 2 個鐘, 理應好累好累先岩 ... 之不過 ... 出奇地精靈到爆 ~~

放工去左大佬屋企整蛋糕 ...
我既傑作 ... 個樣非常 ok ... 食落口就 ~~
勁甜 !!

整餅完畢 ... 返屯門會合 "黃金組員" .....
今晚我地要 ... 合 ~~~~ 體 !!!

已經唔記得幾耐冇合體喇 ...

雖然冇乜特定既 topic ... 不過, 依然暢快 !!
好掛住 "fayma fayma ... 你聽我講, 你聽我講"

今晚, 終於都明白黃金組合點解可以聚埋一齊喇 ...
因為 ...
我地既復原時間 ...
都係 .... 咁囉 ~~~

我好愛你地呀 ~~~~~~~

Happy Friday

瘋狂星期五連環出擊 ...

第一擊: 色．戒 with 小美兒

沒有想像中的心 "up" ...

出奇地代入故事裡面每一個角色 ...

第二擊: 吟詩 with 小美兒, 超超 & 晚間朋友

小心駛得萬年船, 船到橋頭自然直,

夕陽無限好, 好馬不吃回頭草,

娶個老婆當係寶, 補補身子確係好,

好好好 ... 好你老母 !!

哈哈 ... 好詩 ... 好詩 !!! 希望晚間朋友每次出 tirp, 都會諗起呢首詩啦 ...

第三擊: 串燒四兄弟

全宇宙最好味既牛脷 ...

再次遇襲 ...

感覺就好似 ... 返左 "巴格達" !!!

同埋, 學識左一樣野 ...

就係 ... 4 個人, 都可以整到星星架 ... 哈哈 ~~

第四擊: 發癲 @ 廣東道

不停低 B 相 ... 超低能, 勁搞笑 !!!

我 ... 終於都有渠王既電話喇 !!!

邊個想要, 就問我啦 ~~~

第五擊: Drinking @ 老地方

又飲 ... 哎呀, 果 6 杯野 ... 激似 "燒酒" !!

又話 3 點走 ... 點解, 我會 4 點幾 5 點先返到屋企??

點解第二日我仲可以一早起身返工??

點解我仲可以咁精神??

點解點解 ???

你地 3 個係咪痴線架 ??

之不過 ...

我好鍾意你地呀 ~~~~~~~~~~~~

白花油公主 ... 好索 !!!

公司裝修 ... 傳黎強勁既天拿水味
日日就由朝索到晚, 搞到個人 wing wing 地, 暈陀陀 .. 勁打次次, 喉嚨好痕, 好痛 ...

忽發其想 ... 我地可唔可以向勞工處告公司架呢 ??

Hunghom 某珠寶公司 ... 妄顧員工安危, 長期吸入有害氣體 ... 損害腦部神經而導致智商急劇下降 ... 嚴重影響工作進導, 神經失常, 亂發脾氣, 亂掟物件 ... 嚴重影響他人安全 !!! 員工應該盡快離開此不知所謂的地方, 盡快返回安全的地方 (屋企) !!

劉綺琪, 似乎你諗多左喇又 ... 哈哈 !!!

哎呀 ... 究竟幾時先裝修完呀? 好辛苦呀 ~~~~~~~~~~~~~

順利過渡 ...

為迎接 3 個月試用已到呢個大日子, 今晚同我的晚間朋友出去慶祝一下 ...

先去食全世界最好味既車車, 豬腸依然好味 ... 正 !!
食完, 去附近搵咖哩鴨 ... 好可惜, 被 "開飯" 騙了 ...
再食完, 去左諾 s 佛飲野 ... 如果呢度都有酸 mei mei 就好喇 ...

飲飽食醉後, 交換禮物 ...
~ 150 cm 圍裙
~ 狗狗擦擦擦

~ 雞雞計時器
~ 被嚇呆了的貓貓

哈 ... 被一堆看似好有用, 但係又 OK 無聊既小禮物 "嚇呆" 了 ...

禮成 ... 又感性一番 ... 樣衰左添 !!!! 哈哈 ~~~

當細細粒遇上 Pretty Woman

好 Hea 的一日 ...

剪完頭髮返屋企陪抱病在身既細細 B ...
個衰豬摟計, 要人抱 ...
成日打次次, 噴到我一面都係口水 !!!

夜晚 ... 有朋自遠方來 ...
當然要帶佢食 "好野" 啦 ... 好滿足呀 ~~~

食飽飽 ... 再去黃金海岸冧豬一番 ...
D 燈燈真係好靚
今晚, 晚間朋友介紹我飲左隻酸 mei mei 既啤酒 ... 好好味呀 ~~~
坐左陣 ... 小美兒都黎埋, 大家一齊風雨中冧豬豬 ...

搞咩今晚個個都咁 moody 咁架呢 ??
搞到我都有少少黎料 ... 哈 ~~~

之不過呢 ...
我仍然相信世界會變得很美而唔係很肥 !!!

進軍難民營

假期第一天 ...

愛在深秋不可推搪前傳之夏日燒著了 = 熱 Lam 死

點解咁低 B ... D 野食一包二包咁 pack 住 ?? 咁我點知自己叉左 D 咩黎燒呢 ??
大半日俾隻豬 B B 啤住哂 ... 好肉酸 !!!

燒著了聚會完畢 ... 進軍綠色盒子 ...

喺綠色盒子裡面, 幾乎俾 "一位姑娘" 笑死 ... 救命 !!!

今日雖然好累, 好熱, 好臭 ... 不過, 超級痛快 !!!

終於明白點解 D 野食咁快燒熟 ... 因為 ... D 火好熱 ... O 咀了 ~~

同埋, 你只可以對住個天問 "點解" ... 第二 D 問題, 係唔問得架 ... 個天唔識答你 !!

小美兒, 我好鍾意你 D 朋友呀 ... 哈哈 ~~

久違了的衝上雲霄 ....

競技場　如同宏大佈景

可惜我未盡情　無能為力高興

大教堂　鐘聲都夠好聽

可是仍然要　回頭覓更好風景

也明瞭　誰人流汗最多

愛我從未停過　可惜出了差錯

別再哭　我要另選一個

從來未感動我　我卻為了他顫動更多

即使世界上　剩餘幸福　都要放低我

尚有一句說話　可聽得進你的耳朵

我不愛　要送給我都一樣不愛

若最得我心的未到來 (讓我得到只懂在發呆)

如何奉上感情　為何浪費熱情　

如何能讓我閉著眼睛

而我　踏過幾個花園未相愛

緣份亦都不一定會來　從來沒有保證

仍期待會盡情　

就是我最動人的愛

心裡有話想說 ...

請記著 ... 其實苦也可以很甜 !!!

Barking Deer again ...

赤 麂 亂 竄 水 道 　 拯 救 中 嚇 死

【 本 報 訊 】 以 膽 小 見 稱 的 赤 麂 昨 晨 疑 誤 墮 荃 灣 一 條 約 3 米 深 引 水 道 ， 消 防 員 到 場 嘗 試 將 牠 救 起 ， 牠 嚇 得 來 回 奔 走 逃 跑 ， 花 了 個 多 小 時 才 成 功 收 窄 範 圍 將 牠 救 起 。 可 惜 受 傷 赤 麂 雖 然 成 功 「 救 出 生 天 」 轉 交 愛 護 動 物 協 會 人 員 帶 走 ， 卻 因 拯 救 過 程 中 已 令 牠 「 嚇 破 膽 」 ， 最 後 還 是 斷 送 性 命 ！ 該 頭 被 困 引 水 道 雄 性 成 年 赤 麂 ， 約 1 米 長 、 半 米 高 。 昨 晨 近 7 時 ， 有 晨 運 客 發 現 牠 瑟 縮 在 荃 灣 荃 錦 公 路 近 寶 雲 一 條 約 3 米 深 、 兩 米 闊 引 水 道 下 哀 叫 ， 於 是 報 警 。 消 防 員 到 場 分 兩 隊 共 四 人 爬 下 水 深 約 一 呎 引 水 道 ， 打 開 紅 色 毛 氈 左 右 包 圍 欲 救 起 赤 麂 ， 惟 牠 嚇 得 亂 跑 亂 跳 。

蒙 頭 縛 腳 救 上 地 面

消 防 員 花 了 一 個 多 小 時 ， 最 後 將 牠 趕 至 較 淺 水 位 置 並 將 範 圍 收 窄 ， 成 功 用 毛 氈 將 牠 蒙 頭 捉 住 ， 並 用 繩 索 縛 起 雙 腳 救 上 地 面 。 該 頭 赤 麂 腳 部 擦 傷 ， 由 愛 協 人 員 帶 走 檢 驗 ， 惟 牠 送 抵 獸 醫 中 心 時 疑 受 驚 過 度 死 亡 ， 屍 體 稍 後 交 食 環 署 處 理 。 對 於 該 頭 赤 麂 疑 受 驚 致 死 ， 消 防 處 發 言 人 表 示 ， 消 防 員 只 是 協 助 盡 快 救 起 動 物 ， 避 免 牠 們 受 傷 ， 然 後 轉 交 愛 護 動 物 協 會 處 理 。 本 月 4 日 亦 有 一 頭 赤 麂 誤 墮 荃 錦 公 路 一 條 4 米 深 引 水 道 ， 最 後 逃 回 山 野 。 去 年 4 月 ， 一 頭 赤 麂 在 元 朗 青 山 公 路 誤 卡 欄 杆 ， 消 防 員 將 牠 救 出 ， 惟 牠 疑 過 程 中 受 驚 死 亡 。 赤 麂 （ Barking deer ） 屬 鹿 科 ， 身 形 比 黃 麂 大 ， 天 生 膽 小 ， 毛 色 呈 棕 紅 色 ， 多 在 夜 間 或 清 晨 覓 食 ， 是 常 見 受 保 護 野 生 大 型 哺 乳 類 動 物 ， 廣 泛 分 佈 於 本 港 各 郊 野 。 雄 性 赤 麂 長 有 粗 角 ， 角 根 附 近 有 小 刺 ， 角 尖 向 內 彎 ； 上 顎 有 突 出 的 犬 齒 ， 最 長 可 逾 1 吋 。 當 牠 受 驚 時 可 發 出 長 達 個 多 小 時 狗 吠 般 的 叫 聲 。

月亮節快樂 ...

一 年 當 中 月 亮 最 亮 的 那 一 天
我 們 都 要 眼 睜 睜 地 看 月 亮 發 亮
平 常 的 日 子 月 亮 掛 在 天 邊
亮 不 亮 沒 關 係

只可惜今年的這一天
沒有閒情、沒有精力、沒有時間
去欣賞這個圓圓的月亮

祝大家 "月亮節快樂"

等價交換 ...

朋友，如果你想哭，我會陪你哭 ....

朋友，如果我想哭，你會陪我哭嗎 ??

與颱風同行

祈待己久既 "黑鬼遊 2007" .. 籌備過程已經唔係咁開心, 點知 ...

颱風突襲, 琴日都仲好地地, 陽光普照架麻 !!
得戚爆缸, 好痛呀 ... 好多血, 驚到唔敢望 !!
有人被捲入船底 ... 聽到之後, 好驚好驚 ... 好彩大家都冇事咋 !!
頭暈身 "慶" ... 個頭痛到爆左, 返到屋企都仲 "long long " 下, 想嘔 !!!

一切, 都應該係因為 ...

今天不是好日,
而是黃道吉日 !!

星期五 ... 無聊之夜

好想好想講野, 唔想一個人留喺屋企 ... 不停搵人出黎講野, 點知 ... 一個二個都唔得閒 !! 唔洗講 D 咩架, 總之有咁無聊得咁無聊 ... 最後, 竟然俾我約到 ... 超超同小美兒去黃金海岸 !!! 你地真係好 "廢 up " 呀 ... I'm Loving It !!!

跌落坑渠執玻璃

返到學校考第尾

返到屋企唔憤氣

一拳打爆電視機

Bee Lee Ba La 放臭屁

臭過無比石油氣

哈哈 ... 好無聊呀 ~~~

除左呢 2 個大白痴之外, 世間上仲有另一個人陪我地一齊癲 ... 竟然上 Yahoo 知識幫我地搵下聯 ... 的士文, 你係得既 ... !!!

星期四 ... 烏冬之夜

本來 Pooh Pooh & 全世界最好既男人話去睇東京密友 ... 點知有個傻人睇錯日期, 原來已經落左畫 ... 之後有人提議去睇一套唔知叫做烏冬乜乜既戲 ... er ... 咩黎架呢? OK ... 不要問, 只要信丫麻 ...

丫丫丫 ... 又幾好睇喎 ... 睇完之後, 仲同全世界既男人去我最憎既 MK 搵烏冬食添 ... 哈 ~~~

今夜很寧靜 ...

今晚特別寧靜 .....
空氣特別平靜 .....

煩悶的一天 !!!

被煩足一整天 ...

所有身邊出現的人和事 ... 都令我感到很煩很煩 !!!

很煩 ... 很累 ...

好想寫信 ... 一封好長好長既信 ...

之不過 ... 寫俾邊個好 ???

打打大壽 ....

給我親愛的打打:

生日快樂呀 !!!!
呢幾日真係忙到呢 ... 乜都唔記得哂 !!!

之不過呢 ... 我有做野架 ... 嘻 ~~~~

any 肥 ...

劉打祝梁打越來越正 !!!
咪麼懞聽哂媽咪話 ...
懞懞快 D 變肥懞 ...
貓貓同豬豬快快樂樂 !!!

Happy Birthday !!!!

啜 ~~~~~

快樂冰淇淋 ...

在 我 人 生 遇 到 重 大 危 機 時 ，

先 讓 我 嘗 一 口 冰 淇 淋 甜 美 的 滋 味 ，

然 後 ， 再 讓 我 去 面 對 一 切 艱 難 。

我回來了 ...

4 日既深圳之旅終於完結 ...

工作上 ...

死去活來 ... 滿成風雨 ...

工作以外 ...

有朋自遠方來, 不亦樂乎 ...

當肥叉遇上半肥瘦

美味 = 美娓

超好味蒙古打邊邊

爆汁小籠飽

超巿買買買

我的靚餅餅與智力餅餅

陰霾不散的蝴蝶紅酒

逍遙 dup dup dup

無聊打怪獸

冰冰凍雪條

無聊散散步

以上 ... 就係呢幾日既總結 !!!

流放到深圳 ...

今日有少許做到痴線 ... 同埋 ... 個心 ... 真係唔係好舒服 !!! 點解你地唔明架呢 ... 既然你地唔認同, 我都唔想再表達意見喇 ...

聽日 ... 就係 "被放逐到深圳" 既大日子 ... 黎緊呢幾日, 冇得上網 (唔知拎唔拎到 notebook), 冇得打 blog , 冇得 msn ... 要同外界溝通, 就只有 ... 我部電話 !!! 得閒 sms 下我喇 ... 咁多位 !!

如果星期五 & 星期六真係有朋友仔上黎陪下我 ... 就好喇 ...

希望你地唔係吹水啦 ...

星期日見 ...

神奇 911 ... 2007 !!!

昨晚懶醒, 搞到自己爆缸 ... 低 B 仔 !!!

放工約左輝哥飲野 ... 好一個分享 !!
大家交換下近況 ... 戰況 ... & 實況 ...
傾傾下, 發現原來大家已經識左 11 年 ...
雖然近幾年冇乜點聯絡, 而且印象中, 好似冇試過單獨約輝哥出黎傾計 ...
嗯 ... 都幾好丫 ... 十幾年 ... 大家都冇乜點變過 !!!

今晚除左分享之外 ... 我仲無啦啦變左做 "包租婆" ....
哈 ... 我覺得自己好 "祈福黨呀 !!! 誘騙受害者去櫃員機拎錢 ...

以後每一個月既 11 號, 我都會記住架喇 !!!

呢單野, 都咪話唔好笑 !!!

* * * * * * * * * * * * * * * * * * * * * * * * * * * * * * * * * * * *

To: 我的晚間朋友

其實 ... 苦 ...
都可以很甜 ...
哈 ~~~~~