2009年8月31日 星期一

七千九百人 !!!

今日既青松觀,
應該有七千九百人 !!!
啲人分分鐘多過喺中環既賓賓 !!!

行雷又閃電,
好彩好彩 ... 返到孖女屋企先落大雨 !!

要乜有乜 ??

要水蛋有水蛋,
要魚魚有魚魚,
要肥雞有肥雞,
要冬瓜粒粒湯有粒粒湯,
多滿足 !!!

滿足過後, 全身 "慶合合",
請祝我身體健康 !!!


2009年8月30日 星期日

Happy Friday ...

有街去 = > 冇街去 = > 有街去

Part 1 :

久違的 Happy Hour,
太耐冇去 HH,
規距都唔同哂,
結果 ... 菲菲 & ms fung,
好似去左一個 cocktail buffet !!

Part 2 :

媽媽麵 with 小新同學,
"原來愛上賊" 咁快大結局既 ??
好啦 ... 諗住睇下碟啦,
er ... 其實我都唔知點解,
次次緊係 "有 D 野" 俾小新搞下,
睇唔到碟, 唯有睇電視 ... 粵語長片 - 分期付款娶老婆 !!
今晚知道 ... 原來 "娶" 字係有得解 ~
取一個女人返屋企 = 娶
哈 ~ 好似好合理 !!!
傾下計, 聽下歌, 睇下粵語長片, 睇下相 ... 再傾下計,
嘩 ... 五點 !!! 好變態 !!!
由 7 點開始講野講到 5 點,
喉嚨有 d 痛 !! 哈 ~~



雖然琴晚睇唔到 "鴨鴨,
之不過第二日,竟然穫得 j-more 贈品 "一大份" !!
好野 ... 我又可以過番一 d "煲碟" 既生活喇 !!!
我會好小心咁 "袋穩" 個搖控架喇 !!!




2009年8月27日 星期四

問題解決了 ...

煩左 3 日既問題,
總算告一段落 !!!

今晚上演左一幕 "潑婦搶票記",
肉酸非常 !! 算擺啦, 當俾乞 E !!!

之不過 ... 連累小新同學嬲足一整晚,
真係呢 ~~ Sorry ~~~

係個潑婦唔識野,
唔好嬲 ... 唔好嬲 ~~~
香港係唔會沉架 !!!

即日加影 : J-more + 小遊戲慈善基金



唔知一個月之後會有幾多蚊呢 ? 哈 ~~



2009年8月25日 星期二

無能為力了 ...




沒有力氣遊戲。

有力氣回顧生命。

沒有力氣咒罵或者讚美人生。

我僅有的一點點力氣,

要吹出一顆飽滿的氣球,

讓它在天空飛舞。






2009年8月23日 星期日

累了 ...


分享過後,忽發奇想。

實在太似 ... 一次, 兩次, 三次, 四次,
仲要多幾多次 ??

實在太累了 ...

實在太殘了 ...

我放棄了 ....




開張大吉 !!


給林老闆 :

六個靚靚黎賀你 "開張大吉",
真係呢 ... 想生意唔好都幾難 !!!


劉妃祝你鋪頭 ...

就好似我地份 "賀禮" 咁, 風生水起,
貨如輪轉, 生意興隆, 一本萬利, 恭喜發財 ...
賣鞋唔好賣到鞋口鞋面,
日日都笑騎騎咁收 D 師奶錢 !!!


据 LOW Night ...

好祈待 ... 好祈待 ... 好祈待 ...
每一個月都好祈待 "我們的月事"






好高興每個月都可以同你地傾個痛快, 飲個痛快,
好高興見到有人變姣婆四,
好高興同你地一齊傾 "女少心事",
好高興同你地 "同床",
又好高興你地黎我屋企搗亂 !!!
好高興 ... 好高興 ...
下個月十八號見 !!!

但願人人 "食得飽",

I Love U All !!!!



2009年8月22日 星期六

I'll Be Back !!!

返工返到心灰意冷,
雖然零回報, 但係 ... 都要做 ~~

足足一個月都搞唔掂既 project,
比著我係個客, 都調頭走啦,
仲等你呢間咁既 19 公司咩,
報報報, 仲報乜春呢 ???
真係以為自己係 "卡地亞" 咩 !!!

Cora 媽媽見到我氣頂頂,
又眼濕濕 ...

Lunch 之後買左盒樹多啤梨糖俾我,
果一下真係 ... 堅想喊 !!

有一班咁好既同事,
其實都係福份既一種,
劉綺琪, 捱到既就捱下添啦 ~~

用一噸辦法 tum 自己開心,

最後 ...

食左餐好咸的飯 (真係關 "小桔" 事咩 ??)
散左個好短的步 (點解我要用條頸去夾你隻手呢 ??)
玩左個無聊的遊戲 (36 vs 46)
畫左陣公仔 (晴天公仔 ... 好靚好鍾意)
dup 左個好舒服的骨 (舒服到堅訓著左)


就係 ... 咁囉 ...






2009年8月21日 星期五

實不相瞞 ...

唔返工 ... 並唔關 "媽 7" 事,
其實 ... 我真係好唔想返工 !!!

所以呢 ... 媽 7, 請你不要那麼早收山,
明天的 booking ... 如果可以唔取消,
就好喇 ... (幻想 ing)

忽發奇想 ...

豁出去漫遊 ... 不通知親友 ~~~




2009年8月20日 星期四

是日小禮物 ...

成日經過 OK ,
見到 B B 珍寶珠,
都覺得好得意好想買,
不過 ... 又好似有 D 無聊 ~~







哈 ~ 廿蚊唔洗就已經好開心啦
~~ 多謝 "媽7" ~~








2009年8月19日 星期三

Dinner with 小基 & 輝輝

呢個 Dinner 組合,
真係 "久違了" 呢 ~~~

輝輝帶我地去呢間日本野,
真係都 "非常" 唔錯,
可以再食 ~~ (掛住食, 唔記得影相啦)

因為要 hea 到十點半,
跟左 2 位男子上波樓 !!

哈 ~~ 中學之後,
都冇再踏足過呢種地方 !!!

難得輝輝黑抆抆都覺得我 "白淨左",
真係不得不介紹下俾朋友仔 ~~~

http://www.bc-mart.com/

VC Organic Aloe Vera Gel + Organic Rosehip Oil

Perfect Match !!!





再戰比華利山 の Table for 12 !!!

Table for 12

再次大魚大肉,
又雞又海鮮,
仲有 ... 數之不盡的酒 !!!
(是日大測試 :菲菲 & ms fung 個肚, 係接受到 "過期野" !! )

其實去馮小生屋企,
除左飲飲食食,
仲有冇其他野好好做架呢其實 ??

i'm loving it !!!




嘩嘩嘩 ... 一枱都係野食 !!! (肥死人啦)



打打的燒雞 ... 蕃薯真係好好味呀 !!!
(下次我地記得熄火架喇 ~ 呵 ~~ )



Vic 媽媽的腐皮卷, 嘩 ... 又係好好味 !!



大佬特製的 "愛心腐皮卷" ... so sweet !!



祈待 "豆腐布丁" ... (雖然呢個已經好好味)



Oh .. 可憐的 Macallan !!
點拎番出黎呢 ???




2009年8月15日 星期六

週末 "方程式"

蕃茄麵 + 小強探測器 + 樹多啤梨 + "媽7" = (女兒身 + 好滿足) x 少女心事 / 麻甩仔

呢條數 ... 好難計 !!!

2009年8月14日 星期五

很愛很愛妳 ...





















每次搬家, 第一樣收捨的東西,
必定係多年以來的舊相簿 !!!
翻看舊相片, 忽然感慨起來,
每一次 ... 無論遇到任何難題,
總有妳們在身邊,
感覺很 "飽滿愛" ... 窩心到不能 !!!
Hey ... I Love U All !!!!!


2009年8月11日 星期二

搬家了 ...

忙到癲的一個 weekend,
事關 ... 又要搬家了 !!!

一心諗住 "唔好煩到人喇, 搵搬屋公司擺啦",
點知 ... 俾關食屎公司耍到無雷公咁遠 !!!

好彩我呢個符碌精,
又有好多好多人幫 !!!

高生高太, 謝生謝太, 契爺添, 小新同學, 誠誠, 細佬哥, 黑抆抆朋友 x 2, 昌 ...

今日好彩有你地, 如果唔係我都唔知點算好 !! 好感動呢 ~~~

愛死你地呀 !!!





2009年8月8日 星期六

鴨鴨與我 ...

晴天鴨鴨 ... Well Done !!!







2009年8月6日 星期四

嚴重聲明 !!!



嚴重聲明 :

Hello Kitty 不是本人之朋友,凡有關此貓之產品,一律與本人無關。請此相片之製造者密切留意。但凡日後再見到有關貨品出現於本人之照片中,不排除會採取 "嚴懲 ",敬請留意。



死 ~ 低 ~ B ~




迷 ...

一張迷幻的單,
搞左我大半日,
估唔到 ... 能見度得 30%,
都俾 ms fung 我諗緊乜 !!

好耐都未試過做 "最後一個",
黑抆抆的公司, 其實都幾得人驚 !!

今晚, 打破我 "落狗屎唔落街" 既原則,
其實我唔係怕落雨,
如果 dry 落雨唔行雷, 我係 OK 的 !!



爆汁雞翼,
大菜包與小菜包,
食一世都食唔完既豬井肉,
仲有酸 mei mei,
好爽 !!!

幾十歲人真係未試過喺街喪踩水 tum !!
勁低能 ~~ 但係我鍾意 ~~ 哈 ~~

每次行呢條路, 呢個個位,
都累到小新同學要 "殺生",
真係呢 ... 善哉 ... 善哉 ...




2009年8月4日 星期二

心動 ...

有多久沒見你 以為你在哪裡
原來就住在我心底 陪伴著我的呼吸

有多遠的距離 以為聞不到你氣息
誰知道你背影這麼長 回頭就看到你

過去讓它過去 來不及 從頭喜歡你
白雲 纏繞著藍天 
如果不能夠永遠走在一起
也至少給我們懷念的勇氣 擁抱的權利
好讓你明白 我心動 的痕跡

總是想再見你 還試著打探你 消息
原來你就住在我的身體 守護我的回憶

* * * * * * * * * * * * * * * * * * * * * * * *

又一個 "忽然",
浩君、小柔、陳莉 ... 忽然好掛住呢套戲 !!

* * * * * * * * * * * * * * * * * * * * * * * *



.

2009年8月3日 星期一

繼續尋找抱抱 ...


一個既溫暖又窩心的抱抱,
幸福就是這麼簡單 !!




My Pink Pink Wall ...

祈待以久既 Pink Pink Wall,
今日終於面世 !!


好靚好靚 ... 鍾意死 !!
唔該哂你呢 ~~小新同學 ~~


呢個粉紅色, 同鴨鴨真係襯到絕 !!!

(但係唔知點解, 影完出黎變左做橙色 ??)

搞掂哂, 搵野食 ~~


今晚呢段路, 我終於明白到,
你冇亂 "撥" 我, 只係我 ... 亂咁跑 !!
無論你撥左 or 撥右, 我都係向前跑 !!!

哈 ~ 勁低能 !!


人肉小強探測器,
既好笑, 又實用 !!
呢單野都幾 "美源髮彩" ~~~ (冇得彈)

同場加映:B B 燒鵝一 "大" 隻 !!!


*
*
*
*
*
*
*
*
*
*
*
*
*
*


出 "沙灘" 記 ...

謝朗豬 + 大舊金,
2 位未去過沙灘既小朋友,
今日約埋一起玩沙沙!!


其實 ... 小朋友鍾意沙灘,
純粹係大人們自己幻想出黎 !!!


例証一 : 大舊金小朋友




變身樹熊攬到媽咪實一實,
好彩 ... 一落水就開心番哂 ~~

個案二 : 謝朗豬小朋友


雙腳一落地, 九秒九伸番起隻腳,
雙腳一落水, 有如唔俾飽飯佢食 !!


所以 ... 長期拎起對腳 !!


抱住 ... 一樣照拎起 !!


背面 ... 都係要拎起 !!

笑死人 !!! (我地就好笑, 隻豬仔滴眼淚就大大粒)
~~~ 陰功豬咯 ~~~

好啦 ... 下次我地去泳池玩水水算喇 ~
唔好再將我地既歡樂建築喺小朋友既痛苦之上 !!
其實真係好好笑 !!! 哈 ~~



神婆仔上身 ...

好奇心作祟, 跟人去睇三世書 !!!

原來 ...

麻甩仔性格非本人之意願, 我條命 ... 生成係 "男人格" !!
(麻甩底 + 女兒身 = 大排檔內講疊字 !! 哈 ~~ 笑死人個女咩你 ~~)

鍾意肥仔, 亦非本人之喜好, 我條命 ... 整定我要搵 "肥仔" !! 最好係黑抆抆既肥仔 !!
(好 ~ 意向堅定 ... 繼續 "肥" 下去 ~~ )

頭短, 身邊, 手短, 腳短, 手指短 = 五短 ... 好野黎架喎 !!
(陪我去果位 "朋友", 唔該唔好再笑 !! 咀都剪左你 !!)

唔可以早結婚 ??
(喂, 我都唔細啦家下 ~ ~ )

過左三十五歲 ... 好多魚, 好多雞, 好多羊, 好多牛, 好多金 ... 仲有 ... 好多衫 !!
(唔洗過左三十五, 已經有好衫啦 ~ 哈 ~~ )

信則有, 不信則無 ~~ 哈 ~~

做完神婆仔, 直衝 Ikea ~~~ 再次大排檔 ~~ (麻甩底又蒲面)

今晚 ... 知道左誠誠的秘密 !!

原來 ... 你真係好鍾意沖涼 !! 哈 ~~~~

仲有 ... 今晚又搭到林同學既 263 !!
免費搭巴士 again ~~ So Good !!



2009年8月1日 星期六

是日心情 = 零 !!!

一噸野要做,
七噸圖要睇,
十噸價要計 !!

但係 ... 零蚊 ???

真係好想講一句 ... 食屎啦 !!

算 ....

做到天昏地暗, 以為有人叫我去食飯,
睇睇下, 原來真係叫我去食飯,好白痴 !!

本來零心情 ...

不過, 食下飯, 睇下電視, 傾下計, 畫下畫, 散下步, 再食下雪條, 再散下步 ...

原來, 由舊屋行去新屋, 只係需要 15 分鐘 !!
雖然好無聊, 但係 ... 我鍾意 !!

好 !! 冇事冇事冇事冇事冇事 !!!

Enjoy my Lovely Weekend !!

菲菲加油 !!!!

( 好掛住我個鴨鴨地毯 ... 幾時先可以帶你返屋企 ?? )

p.s .... 8 月份的十蚊小遊戲 ... sure win !!!! 就 ... 咁囉 !!






是日小禮物 ...



二○○九年七月三十日


如果所有事物, 只要連續講 3 次,
就可以據為己有 ... (隻燒鵝都係咁樣 "up" 返黎)
你話 ... 幾咁好呢 !!!


小豬雖然黑抆抆,
但係加左花花,
又好似靚女哂 !!!