2008年1月31日 星期四

08 團年飯 @ 妹記大排檔

(我的小手作 @ 愛心小揮春)
30 Jan 2008

一年一度既團年飯大日子 ... 集齊人馬 - 菲菲, 小美兒, 思敏, 林成, 小玲, 浩龍, 星星媽媽, 錦龍爸爸, 晴晴, 樂樂, 芘芘 & 陳仔 ... 去左妹記食左個超好味, 超豐富 & 超開心既團年飯 !!! 十一個人, 叫左十幾個餸 ... 理應好飽先係丫, 點知 ... 有人不停問 "你飽未呀 ? 其實你夠唔夠 ?? 洗唔洗再叫 d 野添呀 ?? " er ... 唔通泰國真係冇野食成咁咩? 返到香港要食番夠本 ??

D 餸黎得好快, 7:30 先齊人 ... 未夠 9 點先經食完咁濟 ... 成班傻人喺度幫 B B 改名 ... 咁都玩得一餐, 呢班契媽真係傻傻地架 ~~ (晴晴唔洗驚, 雖然我地傻傻地, 不過我地會好錫你架 ~~ ) ... 丫丫丫, 記住 ... 第時小玲無論係生仔定生女, 個英文名都叫做 "Janet" 架呢 ... 哈哈 ~~ Janet Ma ... 好型呢 ~~

早兩日忽發其想, 想整 D 小手作送俾大家做新年禮物 (哈, 我真係跟住你地既新年願望去整架)

小小心意, 希望你地鍾意啦 ~~

團年快樂呀 ... 開年飯再見啦 ~~~

2008年1月30日 星期三

Old School @ Gold Coast ...

29 Jan 2008

因為一件 "很緊要" 的事, 明天請了一日假 ... So Good !!!

不用返工的前夕, 久休既菲菲, 又點可以再留守喺屋企呢 (由聖誕到而家, 都冇玩過 ... 我真係好悶呀 !!! ) ... 好快就約左小美兒飲番杯 !!

一心諗住搵個 "冇咁大風又靜靜地" 既地方傾個計, 點知 ... 嘩 ... 咩事 ?? 點解要咁嘈 ??? 果幾個人既 "嘩 .. 哈 ... 哈 ... 哈 " ... 想點 ?? 明明只係坐喺對面, 但係 ... 講野都好似鬧交咁 ... 小美兒既 Moon River ... 真係來的好及時呢 ~~~

其實真係有 D 驚, 但係驚咩呢 ?? 有咩好驚呢 ?? 真係唔係好知 ... 總之就係驚啦 !!!

2008年1月28日 星期一

去年今日 vs 明年今日 ...

你 ... 幾好嗎 ??

偶爾還有一點點的思念 ...

原來思念真的是一種病,
當你抵抗力變得差的時候,
這種病就會來入侵你 ...

很古怪 ...

我只想 ... 身體健康 ...

* * * * * * * * * * * * * * * * * * * * * * * * * * * * * *

今晚的廣告 ... 有點邪 !!!

希望你沒有看到吧 !!!

2008年1月27日 星期日

睡王子 ...

(排排坐的大小王子)

終於有得休息 !!!
今日有大王子 & 二王子陪我訓足一整天 .. 左邊一隻, 右邊一隻, 個被被裡面, 暖笠笠 架 ...
好幸福呢 ~~

2008年1月26日 星期六

長週小記 ...

只有我和大佬的長週 :

一人分飾多角 ... 話咁快就放工 !!!

50% off 的剪髮 :

Dick Dick 遲到 ... 無啦啦半價剪頭髮, 一百蚊有找 !! 好抵呢 ~~ (Dick Dick ... Happy Birthday !!! )

何宅團年 @ 十下十下 :

估唔到, 今年團並唔係芬姨打電話俾我, 亦唔係國傑 MSN 我, 而係劉生問劉太 "fayma 今晚黎唔黎" ... 哈, 估佢唔到呢 ~~~

凍冰冰, 去十下十下就最好不過 ... 琪琪小姐, 劉生劉太, 芬姨, 國傑 & 國傑朋友食左餐好開心, 好滿足既團年飯 ... 今晚, 仲收到今年既等一封利是添 ... 多謝芬姨 ~~

喺何家, 我個名就係 "琪琪" ... 哈, 我其實都幾鍾意人地叫我做 琪琪 架呢 ~~

縮到一餅野的細波 :

2 隻仔, 好少可咁 friend, 坐得咁 close, 原因只有一個 ... 因為凍凍 !!!

2008年1月25日 星期五

腳腳不再凍 !!


天氣突然轉冷 ... 雖然喺意大利既時候, 氣溫比今日低 ... 但係感覺上, 今日好似凍好多咁架呢 ~~ 凍屎我喇 ~~~

自從我個 Mickey 暖水袋上年俾我整爛左之後, 我就冇再買番另一個 ... 點知, 今晚被 "引" 左出街 ... 點知 ... 哈, 有一個新既暖水袋 ... 我今晚對腳腳, 唔會再好似冰咁凍喇 !!

~~~ 多謝你呀 ~~~
* * * * * * * * * * * * * * * * * * * * * * * * * * * * *
今日突然討論到 "大家點解會無啦啦 ... 九唔答八都傾一餐" 既問題 ... 因為, 而家既我, 已經唔會再同 D 三唔識七既人傾計 ...
傾傾下 ... 發現 ... 原來當時大家都失戀 !!! 當一個失戀既人, 就會周圍咁識 D 九唔答八既人, 周圍咁同人玩, 會想搵 D 三唔識七既人亂 up & 混沌一番 ... 傾傾下, 就變左而家既無所不談, 對方已經變左做一個好好好好好重要既人 !!! 一個永遠都可以將我由谷底帶番上地面既人 !!!
其實 ... 你都講得好岩, 呢 D 可能真係緣份黎既 ... 如果冇緣, 我又點會無啦啦 random 到你呢 ~~ 如果當時你唔係咁岩都失戀, 又點會同我呢個無聊妹講咁多野呢 ...
好啦 ... 既然有緣, 就應該將呢種緣份延續落去 ... 你永遠都係我偶像黎架呢 ~~~

2008年1月24日 星期四

久違了的 CUT 線 !!!!!!

24 Jan 2008

好耐好耐都冇試過同定中傾咁耐電話 ... 真係有 d 掛住果陣日傾夜傾, 一部叉爆電既電話傾到電話冇電 ... 由訓醒果一刻傾到返到公司 ... 沖涼都要拎住部電話傾傾傾 ... 個個月千幾蚊電話費既日子 !!!

咁短既時間, 要我一下子 update 番呢一年發生過既事, 都真係有 D 難度 !! 都唔係好明, 由識佢果一日開始到而家, 我都要 cut 佢線先肯收線架呢 ?? 人地都話左唔想講架啦, 仲死 lur 架喎 !!! 死都話 "講多 2 分鐘先啦" ... 2 分鐘, 又 2 分鐘 ... 2 分鐘, 再 2 分鐘 ... 正一八公黎架 !!

臨同 Pooh Pooh 食飯之前, 拎左 D 衫落街洗, 點知平時去開果間洗衣鋪冇開門 ... 經玩具大王介紹下去左另一間 (就喺屋企樓下), 點知 ... 嘩, 我以前個 PK 包租婆呀 !! 果一刻, 諗左 5 秒 "好唔好仲拎去呢間洗呢??" ... 但係 ... D 衫真係好重呀 (足足有 16 磅) ... 唔想再行喇 !! 唯有照俾佢條 PK 洗啦 !!! 呢個世界, 真係好細呢 ~~~

契 B 的小禮物 ...


23 Jan 2008

意大利買左樣好得意既小禮物俾契 B , 急不及待 ... 好想快 D 俾契 B 呢, 所以就約星星媽媽黎個短聚, 點知 ... 連爸爸 & 小美兒都出埋黎一齊食飯 ... So Good !!!

食飽飽再去食甜品 ... 好滿足呢 ~~

小美儀既消息, 搞到我十五十六呢 ... 好衰架 ~~

弊家伙 ... 又 letlag ... 同晚間朋友傾計 ... 嘩, 越傾就肚餓 !! 好想快 D 整大餐呢 !! 我出野食, 佢地出酒 ... 哎呀, 諗起都想食 !!

TO: 我的晚間朋友

放心啦 ... 除左野食之外, 我仲會準備 .... XXX 架喇 ... 哈 ~~~

驚天地泣鬼神的意大利之旅 ...

一連 8 日既瘋癲 Vicenza ... 終於完喇 !! 我都算係捱得果 jar , 之不過 ... 呢鋪真係頂唔緊, 忙到冇時間食飯, 冇時間飲水, 冇時間 V V ... 冇諗過, 呢個 show 會忙過 Basel !! 人都癲 !!!

雖然忙, 但係 ... 同班傻傻地既同事一齊玩, 都真係 really 開心呢 ~~~ 尤其係第一日, 喪行 ... 四圍影無聊相 ... 今次我都係帶左我頭號囝囝去呢 ... 計計下, 呢個寶貝仔都去過唔少地方呢 ~~

多得 D Jay 707 熱播 Eason ... 原來除左 "玉蝴蝶" ... DJ 707 都識 Eason 架喎 !!! D Jay 707 唔止播歌得, 連手車都 very duck ... 日日都踩住百七咁返 show 場 ... 勁呀 ~

大食細妹, 個口果舊都未吞, 隻手已經夾緊第二件 ... 可以 VS 蟹挾小姐呢 ~~

家姐呀家姐 ... 邊得黎咁多 email check 架呢 ?? 點解 check mail 都要 "kill" 住手架呢 ?? 真係好 elephant 架呢 ~~ (Mr. Fung & Mr. Lam ... 你地可唔可以唔好扮呢? 想笑死人咩 !!)

鬼妹仔 ... 真係唔太識中文 ... 究竟咩叫做 "毀爛" & "xxxx" 呢 ? 呢 4 個 xxxx, 係我唔記得左個成語係咩 .. 邊個記得呀??

D Jay 教識左我地點運用 "哥倫比亞式" 搶劫 ... 之不過, 呢招唔係用黎偷綠寶慘汁 .. 架囉 ~~ 哈 ~~

~~ 完 ~~

呢幾日, 真係要多謝阿均晚晚幫我餵貓貓呢 ... 呢個契爺, 真係冇得頂呀 !!! (之不過呢, 我返左黎架喇 ... 你唔洗再上黎幫我餵仔架喇 ... 傻佬 !! )

哈哈 ~~~

2008年1月19日 星期六

FayFay @ Italy

to all my lovely friends:

fuxking busy here ... the weather in Italy is fuxking bad ... rainning all the time ...

no time to have lunch !!! SUPER TIRED !!!

My neck & back is fuxking painful!!!

Wanna back to HK IMMEDIATELY !!!

* * * * * * * * * * * * * * * * * * * * * * * * * * * * * * * * * * *

the things what i miss ...

my cats ...

my friends ...

"choi sum chow beef"

"ng chan yuk"

wanna sing K !!!!

the last thing what i miss is .... hehe

you know geh .... right ???

i'm a nice girl lei ... right ???

hahaha

see you next week la ... !!!

2008年1月10日 星期四

給親愛的馬先生 ...

To 親愛的馬先生:

當知道大家做著相同的事情, 忙著為對方尋找相同的東西時 ... 打從心底裡笑了一笑 ...

既然上天有這樣的安排, 我們應欣然接受 ...

只要捱過這一關 ... 故事的主人翁會是一輩子的 ...

希望你能找到那東西 ... 因為 ... 很想很想跟你分享 ...

我深信 ... 你跟我會有相同的感受 !!

祝生活甜美 ~~

From 將遠征意大利的劉小姐

2008年1月8日 星期二

我和囝囝於新居的頭兩天 ...


花左 2 晚時間, 終於征服左所有紅白藍 & 膠箱 ... 將 d 衫分番類, 夏天既放入床下底, 冬天既放番入櫃, 出 show 既 pack 入喼 ... 女人 ... 原來真係可以有咁多衫 !!! 去完 vicenza 返黎, 執埋個廚房就大功告成喇 !!!

喺新屋既頭 2 晚, 訓得唔好 ... 唔知係咪唔習慣有個窗枱喺側邊, 隻腳成日撞埋去 ... 瘀哂呢我隻腳 !! 唔好話自己唔慣, 就連 2 隻仔都唔係好慣 ... 細細同波波比較, 細細就叻仔好多 ... 一去到新屋就四圍 "謄" ... 視察環境, 好快, 佢就霸貼左睡房既大窗台 ... 至於波波呢, 長期 lei 埋喺個被被裡面, 唔講都唔知裡面有隻貓 !! 不過 ... 波波今晚叻仔左, 佢終於肯出廳行下喇 ... 總算有個好開始呢 ~~


正式搬家 !!

(都唔係好明, 點解我會有咁多野 ... 架囉 ~~~)


6 Jan 08


今日菲菲正式搬家了 ... 一早起身同 Pooh Pooh 食個早餐, 叉叉電, 返屋企繼續搏鬥 !!!

時晨到, 高生、高太、高公子先上黎幫我拆床, 拆櫃, 拆書枱 ... 高生真係好勁, 三幾下功夫就拆哂所有野 ... 而高太呢, 就同我喺廚房 pack 埋 D 碗碗碟碟 ... 一路 pack , 就一路俾人鬧 ... 我知我知, 我都知我多野架喇, 之不過 ... 朋友多丫麻, 咁屋企有 16 隻碗, 32 隻杯 ... 無數咁多對筷子, 都唔係好奇啫 ... 嘻 ~~

冇耐耐, 阿均, 契 B 既爸爸媽媽都上埋黎幫手 ... 好驚整親我個契 B , 索性叫媽媽落去坐下, 睇住我 D 家檔擺啦 ... 哈 ~~

一切都好順利, 好快就搬哂 D 野落樓, 好快搬哂過新屋 ... 分工合作, 高生將所有傢私 "還原" ... 而阿均, 契 B 爸爸 & 高公子就車輪咁搬 D 野上黎 ... 哈, 佢地搞笑到扮送傢私 ... 不停問 "小姐, 個櫃放喺邊 ? 個枱放口喺邊 ? 個洗衣機點放? 個雪櫃又點? ' 哈哈 ... 俾佢地激死呢 ~~~

好快好快就搞掂哂所有野 ... 最衰爸爸媽媽唔可以一齊食飯 ... 今日你地咁辛苦, 除左請你地食餐飯, 都唔知點報答你地呢 ~~~

高氏家族, 均 & 契 B 爸爸媽媽, 今日辛苦哂你地喇 !!! 尤其係媽媽, 搞到你今日冇得午睡添 ... 返黎同你地食餐勁既補數啦 ... 嘻 ~~~

2008年1月6日 星期日

Last Day @ Cafe 1914 ...


極之充實的一天 ...
飲荼 with 小敏 & 小敏意既我老公 & 小敏一家大細 (爸爸媽媽二哥二嫂二家姐二姐夫) ... 又話得佢老公, 點知一入到去 ... 洗唔洗咁齊人 ?? 佢地由細識到大, 有講有笑 ... 好鍾意伯母既 "車衫簡條" 事件 ... 笑到鄧偉樹死死下 ... 仲有呢, 樹哥又話要介紹男仔俾我識 ... 做咩啫 ... 死佬黎架 !!之不過 ... 都唔介意既又 ... 哈哈 ~~
新居後期製作 ... 掛窗簾, 整窗花, 整網網, 換 toilet 板 ...
物理治療 ... 做埋今次, 應該唔洗再做 lu ... 改行睇中醫 ...
大作戰 ... 最後衝線 ... total pack 左 9 個膠箱 + 5 個紅白藍 ... 呢堆野, 係未包括廚房既野架囉 !!! 痴線架, 點解我會有咁多野 ???
食宵夜 ... 哈哈, 有一哥媽咪既 "愛心咖哩雞" 做宵夜 ... 好想學整呀!!! 一哥呀一哥, 幾時可以約你媽咪上你屋企煮個飯啫 ... 真係好好味呀 ~~

今日心血來潮 ... check e-mail ... 原來 ... 咁囉 ~~ 開心既都 ~~~
tOday fiNishEd
* * * * * * * * * * * * * * * * * * * * * * * * * * * * * * * * *
Cafe 1914 ... 今日正式結業 !!

多謝咁多位呢 4 年黎既惠顧 ... 所有熟客仔, 地步已經轉移至 11 樓 F 座 ... 得閒黎坐下啦 ~~

哈哈 ~~

2008年1月4日 星期五

妹記大排檔 ...


唔知係咪悶得太耐 ... 今晚好想去行下 !!! 搵左好幾個人, 但係個個都唔得閒 ... 最後, 好彩有陳屎陪我去 ikea ... 明明係我想睇下有咩濕星野要買, 點知 ... 最後係變左我陪陳屎買野 ... 激死 !!!


行完街 ... join 左陳屎 2 個朋友仔 connie & 肥哥哥 (好似有介紹過個名, 不過 ... 唔記得左呢) ... 去左妹記大排檔食飯 ... 嘩 ... 好耐去過喇 ... 啫啫雞煲, 黃金蝦, 唔知乜乜屈 "毫", 炸乳鴿, 鵝腸 ... 好好味呀 !!!
呢幾個人, 點計都係劈友 ... 又點可以唔啤啤佢呢 ... (琴晚先同阿一哥講 "我好耐冇飲過酒喇" ... 至於點先算耐, 睇你點睇啦 ... 哈 ~~) ... 呢度飲酒, 並唔係用杯 ... 而係要用 "戰鬥碗" ... 超好笑 !! 飲勝 ~~~!!!

2008年1月3日 星期四

Goodbye But Goodbye ...


一本一直都好想買既書 ... 朋友, 你開始知我心意呢 ... 多謝 !!!
本來打算食完飯返屋企做野 ... 點知, 天助我也 ... 上唔到網 !!! 平時既我, 一上唔到網就一定會發花癲, 但係 ... 今晚冇喎 ... 可以靜靜地咁聽住歌睇書 ... so good !!!
一口氣睇哂成本書 ... 我開始愛上你呢 ... 彭秀慧 !!!
一路睇, 一路簡低一 d 覺得有意思既句子, 寫低自己既感想 ... 好想同朋友分享呢 ~~~

2008年1月1日 星期二

我們的菠蘿山 ...

(由雜物房影出去既實況)
無聊 ... 同 2 個仔一齊望下街 ...

嘩 ... 好大火呀 ~~~

一大條火龍, 圍住菠蘿油王子既皇宮 ....
我地個菠蘿山冇喇 ...

二○○八年一月一日 ...

悠長假期終於完結 ... 由聖誕節到大除夕, 好彩有唐亦琛陪住我咋 ... 終於睇哂喇 !!! Feel So Good !!

今日既對話, 可能係一個好開始 ... 希望可以 keep 住 ~~

聽日要返工喇 ... 俾心機呀, 劉綺琪 !!!

Keep Smile ... 收到 !!!