KTL 春茗 @ 2008

15 Feb 2008

終於可以去另一度食春茗喇 !!! 今晚個場 ... 靚好多呢 ~~~

麻雀王大賽 ...

未開席, 去左參加 "麻雀王大賽" , 做左咁多年, 都係第一次參咋 ...因為玩跑馬仔, 完全唔需要技術 ... 嘩, 今日 D 牌靚到呢 ... 好順利, 就入左 final 八強 !! 喺 171 小姐支持之下, 再入埋 4 強 ... 呢鋪真係堅 ... 四叔, Ringo, Irene ... 對住佢地 3 個麻雀精, 真係 lup 水 ... 最後, 做唔成雀后, 不過 ... 被 D 老細改左個名叫 "新晉雀妹" ... er ... 個名有 d 衰 ... 咁囉 ~~ 搞到我好似好爛賭咁樣 ... 死啦, 肯定俾人影哂相啦 !!!

開席 ...

一開波, 又要玩埋哂果 d 勁飲大賽, 我地成圍加埋都得 3 個男丁 (爸爸, 春麗媽媽 & Kenny B B ) , 懶皮 ... 冇人肯上去 ... 我上去擺啦 !! 最後, 爸爸都一齊上左去玩 ... 哈, 又俾我地 win 個第三返黎喎 ...

今晚一個二個都 high 到不得之了, 尤其係春麗媽媽, 係咁拎住枝酒去隊其他部門 ... 唔知點解, IT Dept 今晚做左佢既 target ... 飲飲下, No. 2 & 爸爸都加入戰團 ... 媽媽失驚無神爆左句 "燒你 server" & "讓你半臂事件"... 哈哈, 笑到我同 No. 2 死死下 ... 今晚, 真係難為了 IT 喇 ~~

由於各人都認為爸爸媽媽已經醉左 ... 事頭叫我過去睇住佢 2 個 ... 今年, 竟然由我去睇住爸爸媽媽 ... 仲要照顧埋果個屎肥 joe , 幾驚唔夠力, 一覺唔該 look 佢落樓梯, 我同啤啤都唔知點算好 !!

今年叻左好呢, 劉綺琪 !!

抽獎 ...

即係咁 ... 人人都有獎, 不過你份野既價值係幾多呢 ? 咪睇下你做左幾耐囉 ... 今晚我既禮物係 ... iPod touch 一大部 ... 初頭, 仲以為係 iPhone 添 ... 發夢啦你 ... 哈哈 ~~

頒獎 ...

即係咁 ... 每年年尾, 我地都有個什麼全方位既比分, 係由咁多位同事對自己既評估 ... 雖然喺呢間公司, 都 OK 多朋友, 都冇乜負面既評價 ... 極其量我都係可以拎到個 "最合作" 獎啫, 點解無啦啦我會拎到 "最佳分析能力銀獎" 架呢 ? 究竟我呢一年, 分析過 d 咩而又得到咁多位同事既認同呢 ?? 呢單野, 真係好 "新城" ... 哈哈 ~~

老屈 ...

年年春茗, 我地都會化身祈福黨 ... 今年, 都唔例外 !! 話說抽 "枱獎" 既時候, 我地只係得三百蚊 ... 三百蚊, 點分喎 ... 出絕招 - 死 lur !! 見枱上面既啤啤 & 127 勢色唔對, 我同媽媽即刻衝上枱 ... 群眾壓力 ... 家下最少都有二千蚊呢 !! 作戰成功 !!! mr. li 萬歲 ~~~

下場 ...

雖然個個都飲到 high high 地, 不過, 仍然好想去玩 ...

一入到 K 房 ... 被突襲 !! 呢一次, 仲驚過跳枱事件 ~!!! 一二三俾人抱起喪轉 and then "pat" 番落梳化 ... 毫無還擊之力 ... 除左傻笑, 我唔知仲可以俾咩反應 !!! 真係呢 ... 想嚇死我咩 !!! 睇黎呢位先生, 又飲醉左喇 !! 仲要醉得好交關果隻添 !! 你下次可唔可以唔好再咁嚇我呢 !!

陣容同之前有少少唔同 ... 多左 IT director & No. 2 阿姐 ... 今晚先知原來 mr. fung 係 Alan Tam 果派 (not 哥哥 fans) .. 係咁唱, 係咁玩, 係咁跳, 係咁搓 ... 好耐都冇試過咁樣喇, 好好玩呢 !! 仲有呀 ... 好彩有阿 director 喺度, 今晚 ... 真係要多謝阿 sir ...

今年春茗 ... 真係 ...

私人醒, 冇得頂呀 !!!