大年初一既指定動作 = 去孖女屋企拜年
一早就俾高生摷醒 ... 被迫打左大半日麻雀 ... 好彩, 未開枱之前, 都有 D 野玩下 ... 就係同阿孖女扮靚靚 ... (未扮靚靚之前, 佢 2 個八婆仔成個 "癲婆" 咁... 哈哈 ~~ ) 玩玩下, 高公子特襲我 ... 當然, 我緊係反抗啦 ... 連孖女都幫 "大姐姐 " 對付杰杰表哥 ... 四表兄弟妹玩到癲哂 ... 最後, 婆婆出招 "你地幾隻馬騮, 玩完未 ?? 你呀 "大姐姐", 幾十歲人仲同 D 表弟表妹咁癲, 係咪痴 X 線架 ?? " ... er ... 婆婆精神番少少, 就動氣架喇 ... 哈哈 (不過, 佢都係笑笑口咁話我地痴 X 線既 ~~ 我想話呢, 個 "x", 真係粗口黎架囉 ~~ 哈哈 ~~ )
打打下麻雀 ... 唉, 個女人都上埋黎 ... 呢個時候, 我已經冇再出聲 lu ... 至於點解, 識我既人一定知呢個女人係邊個既 ~~~ 總之, 呢 D 咁既屋企飯, 一有呢個女人, 就背脊骨落架啦 ... 都唔佢既, 係都要講 d 難聽既說話, 係都要搞到大家唔開心佢先安樂架啫 ~~
算 ... 拿拿林食完飯, 諗住閃人 ... 點知 ... 來自市區既一位太太, 係都唔俾我走 ... 佢對於果鋪 "出衝九筒六十四" 耿耿於懷 ... 好啦, 俾 2 圈佢翻身啦諗住 ... 點知 ... 再輸多 128 ... 哈, 都話左我今日好邪架啦 ... 哈哈 ~~
any 肥 ... 多謝今日咁多位阿姨 & 姨丈既貢獻 ... 我都話左我唔想打麻雀架啦, 係你地迫我架咋 ...
* * * * * * * * * * * * * * * * * * * * * * * * * * * *
由於夜晚餐飯食唔飽 ... 夜麻麻去左食芋頭西米露 + 美味腸仔 ...
凍冰冰你都肯同我去食糖水,
今晚好滿足 ...
多謝你呀 ~~~
沒有留言:
張貼留言