當信女遇上祈福婆婆 ... 仲傾 ~~~

2 Jan 2008

雖然呢一年 ...

信女 A 平安無事, 並無誕下麟兒 ...

信女 B 仍然未搵到佢個門口 ...

信女 C 仍然 ... 咁囉 ...

信男 D ... 都未搵到邊個人可以借佢一狂風 ...

之不過 ... 神 ... 必需要還 !!! 所以, 呢三名善信, 打算喺今日去搵大仙傾下計, 感謝大仙呢一年既祝願 ... 大雨滂沱之際 ...

祈福婆婆 A : 靚女 ... 幫婆婆買 D 香啦 ...

信女 B : 唔洗喇 ...

祈福婆婆 A : 你咁靚女, 幫下婆婆啦 ...

信女 B : 真係唔洗喇 ... (當時祈福婆婆用力咁捉住信女隻手)

祈福婆婆 A : 黎啦 ... 買啦, 幫下婆婆啦 ...

信女 B : 唔洗喇 ... 我地黎還神架咋 ...

(當時, 祈福婆婆 A 一聽到 "還神" 呢 2 個字, 雙眼頓時發光 ... 眼神兇夾狠咁望住身後既祈福婆婆 and then 大叫 ... )

祈福婆婆 A : 還神呀 ... 你地仲傾 ..

3 秒後 ... 祈福婆婆 A, B & C 將信女 A, B & C 重重包圍 ... 而呢 3 位信女, 最終都係幫趁左呢 3 位祈福婆婆買左呢個 "還神 package" ...

大仙呀大仙, 落雨絲濕 ... 凍屎冰冰我地都黎探你 ... 你真係要保佑我地呀 ~~~

探完阿大仙, 返屋企買材料打邊爐 ... 買到架車仔滿哂, 都只係買左三佰幾蚊, 好抵呢 ~~~

準備好哂, 落去接埋我的晚間朋友上黎 ... 就開餐喇 !!! 晚間朋友一打開個袋, 嘩 ... 洗唔洗咁搏 ?? 都係果句啦 ... "D 嘔吐袋喺廚房" ... 哈哈 ~~

食飽飽 ... 執好哂 D 野就開大張梳化, 4 個傻人一齊坐喺大梳化上面, kam 住晴天娃娃被被一齊傾計 ... 好溫暖呢 ~~~ 真係冇後悔買呢張梳化呢 ...

今晚 ... 好滿足呀 ~~~