停一停, 諗一諗 ...

諗住自然醒, 點知 ... 10 點幾就醒左 ..
唔想再訓, 去左洗廚房 ... 哈 ~~~

洗完廚房 ... 去左孖女阿姨屋企,
一入屋, 家姐仔好緊張咁同我講 ...
家姐仔: melody 發高燒, 燒到 109 度 ( 我想講, melody 係一隻公仔 !!! )
我: 發高燒, 返唔到學架喎, 一陣會傳染俾 d 小朋友架喎 ...
家姐仔: 係啦, 聽日都返唔到學
妹妹豬: 死啦, 佢會唔會傳染俾我? 咁我聽日都唔返學喇
我: 一係你俾個口睪 melody 啦 ... 咁咪傳染唔到你囉
妹妹豬: 媽咪 ~~~~~~~~ d 口罩去哂邊, melody 唔得啦 ~

喺呢個時候, 我除左 O 咀, 已經唔再識俾反應佢 2 隻馬騮 ...

由於孖女今日去拜爺爺, 所以, 姨丈所有屋企人都喺樹 ...
見番麻麻, 勝仔哥哥 & 油哥哥 ...

哈, 好得意 ... 咁大個人仲叫佢地做哥哥 ...
佢地真係睇住我大架呢 ~~~

想當年, 真係好鍾意勝仔哥哥,
因為 ... 佢真係好似梁漢文呢 ... 哈哈 ~~~

還記得 ... 夜麻麻行單車徑 ... 冧死人 ... 哈哈 ~~~~~

* * * * * * * * * * * * * * * * * * * * * * * * * * * * * * * * * * * *

同 2 隻馬騮玩完, tea time with 輝哥 ...
估唔到, 短短幾日, 可以有咁大變化 ...
今日既總結係 ... 停一停, 諗一諗 !!!
有 2 個星期好好反省一下,
我都想 13 號有人得閒黎接我機 & 陪我食飯呢 ~~~

* * * * * * * * * * * * * * * * * * * * * * * * * * * * * * * * * * * *

好擔心, 仲未收到祖祖既飛,
情急之下, send 左個 email ...

10 點, 有個不知明電話打黎 ...
不知明男子: 喂, 唔該 farmer 丫 ...
我: er ... 我係 ... (都唔係第一次有人叫我做農夫)
不知明男子: bla bla bla .... (內容大致係教我點樣拎飛)

其實我個名都唔係咁難讀啫 ... 都唔明, 點解成日都有人讀錯 !!!

好 ... 溫兆麟, 我決定以農夫既身份去種火玫瑰 ... 哈哈 ~~~

* * * * * * * * * * * * * * * * * * * * * * * * * * * * * * * * * * * *

好想快 d 到 17 Arpil 呀 ~~~~~~~

祖祖 ... 好掛住你呀 ~~~~~~~~~~

* * * * * * * * * * * * * * * * * * * * * * * * * * * * * * * * * * * *

情迷溫兆麟 ...

一早去接婆婆飲茶 and then 去青松觀拜公公 ...

搞掂哂, 喺屋企見悶, 諗住落街打個白鴿轉 ...

點知 ... 收到溫兆麟電話 ...

咁好天, 又真係好應該出去行下既 ...

黃金海岸既 tea ... 確實係幾寫意 ...

嘆完 tea, 去置樂行街 ...

蛋糕仔 ... 好好味 ~~

八十八蚊一條裙, 確實係冇得頂 !!!

tOday ... fiNisHed ~~~~~

火玫瑰症候群 ...

好開心, 好開心, 好開心 ...
一個失散左好耐既好朋友,
今日無啦啦 add 我 !!!
呢次真係歸功於燕窩小姐 ...
燕窩小姐, 你好叻叻豬呀 !!!
世界真係小小小,
我地終於可以重逢喇 !!!

三個一直都好想搵番既朋友仔,
今日搵番一個 ...
唔知另外果 2 個, 仲有冇機會搵得番呢 ??
蘇少少 & 馮東東, 我真係好掛住你地呀 !!!

事關 4 月底要做伴娘,
今晚搵埋小美兒 & 小玲陪我去試衫,
嗯 ... 雖然都真係幾鍾意條裙, 夠簡單丫麻 ...
不過, 又好似真係 dry 左少少 ...
點好呢 ???

試完裙, join 埋超超 B B 去左 "睇 sammi 演唱會" ...
好難受 ...
難受, 唔單止 sammi 唱得真係好難聽,
仲有 ... 我個 "心形咀" !!!
今日真係 ... 名副其實 "笑爆咀"
雖然爛 gag 仔, 不過, 又真係講得好岩 !!!

超超 B B 唔講, 我都唔知, 我呢個咀咀,
原來係患上左 "海潮症候群" .....

你地快 D 約阿紋身師傅去紋 "心" ...
等你地快 D 可以痛不欲生 !!!
到時, 我會紮個 "火玫髻" 俾你地睇架呢 ~~~

妖 ~~~~~~~

好 Q 痛呀 ~~~~~~~~~~

你說得對 ...

講得冇錯, 今日 ...
真係好想摟計 !!

係咪真係可以俾我摟一日 ??

一日就夠架喇 ...

吃蛋撻的大螞蟻 ...

哈哈 ... 好大的蟻 !!!

迷 ...

EURO 350 ... 迷 !!!
究竟邊個應該負上呢個責任呢 ?
要我賠 ... 個客係我既, 冇問題
不過 ... 不服氣 !!!

Basel 包貨 .... 迷 !!!
每 team 派 2 個人包貨 ... OK, fine !!
之不過點解有 team 係 "零" 人 ?? OK ... fine !!
聽日 9 點 ?? 咪玩 !!!

大佬訓話 ...... 迷 !!!
傾傾傾, 有用咩 ??
我不是為興趣打工 ...

被人質疑 ...... 迷 !!!
有咩, 點解唔當面問我 ?
我喺你面前都唔問我,
要問第三者關於我既客既野 ?
咩意思呢究竟 ??

算擺啦 ...

Lunch 後, 又嘔 ... 仲要連環嘔 ...
我有食藥, 不過, 食完冇耐, 又將 d 藥嘔番哂出黎,
個個同事見到我, 都叫我好快 d 返屋企,
我都知我個樣好衰,
不過, 真係走得咩 ??

迷 + 矇 + 病 = 求救

被監視下 (人 + 狗) 食飯, 唔敢食淨 (蕃茄蘑菇蛋蛋飯 ... 好味道 )
臨走仲有包包拎走, 聽朝早餐有著落 ... 正 !!

好彩 ... 我仲有十二蚊 !!!

謝 !!!

merry-go-around

go around ... around and around ...

will it stop ??

special thanks to Mr. LT

i love this pix so much !!!

i'm not pregnant !!!

咁多位 .... 嘔 ... 係因為琴晚果碗有問題既車車 !!!

其實朝早好掙扎, 不過一諗到放左咁多日假,
再加上今日 stock take 前 last 一日寄貨,
最後都係決定返工 ...

食完個 lunch , 再痾再嘔,
頂唔順, 早左 2 個鐘頭走,
返到屋企, 就近搵個醫生睇,
重遇光頭仔醫生,
自從光頭仔離開故居間診所之後,
都冇再見過佢 ...
估唔到阿光頭仔醫生仲認得我 ...

如無必要, 以後都唔好再見喇 ...
光頭仔 !!

* * * * * * * * * * * * * * * * * * * * * * * * * * * * * * * * * * * * * * *

今日, 不停諗住 wasabi 喺 forum 既回覆 ...
印象中, bibi 好似未試過咁公開,
咁長篇大論咁覆我既野 ... (私底下果 d 唔計丫)

"我唔係女強人，我只係小女人!! 我聽十個女人，十個都係咁講 "
真係唔好勉強 ??
唔好令自己太辛苦 ??
真係要好好為自己考慮下??

Wasabi ... 愛死你 !!!

* * * * * * * * * * * * * * * * * * * * * * * * * * * * * * * * * * * * * * *

馬拉松式吹水 ...

原定 plan ... 是日休息 !!

難得輝哥講哂大話,
攰到咁都肯死落屯門,
食左個馬拉松式下午茶,
吹左幾個鐘頭水,
正所謂, 睇下邊個頂唔順,
咪邊個係輸家囉 ...
之不過 ... 有意思咩咁樣 ??
唔知, 下次見輝哥,
輝嫂會唔會仲係同一個人呢 ??
咁多年黎 ... 我都慣架喇 ... 哈 ~

小睡片刻 ...

咦 ... 估唔到, 我亂叫都有人應喎 ...
呢 d 鐘數, 應該 zzZZzzz ZZZzz 緊架麻 ...

我諗左好耐, 都唔明白 ...
果 2 句野, 可以有幾浪漫 ??
(真係好想問 ... 你係咪傻架 ???? )

今日係假期既最後一日,
最可以趁最尾一日補補飛,
都唔算 "可惜丫" ..
知足丫麻 ... 哈哈 ~~

哎呀 ... 好想快 d 俾份禮物你呀 ~~~~

Dinner @ 豆大 ...

無聊既 msn 對話, 造就了 08 第三次 ...

感覺依然良好 ... 請繼續 ~~~

我 2 隻仔一見到唐生,

就好似蟻 "嬲" 蜜糖咁,

衰仔, 手指咬出唔咬入架 !!

就連一向怕人既波波都係咁 ...

唔通我真係一個 "巫婆媽媽" ??

唏 ... 冇眼睇 ~~~

影完相, 玩完一大輪,

就去左 "豆大" 食雲吞,

er ... 唐生唔講, 我都真係唔知 ...

原來 ... 豆大 = 豆槳大王 !!! 囉 ~~

聽死人咩 .... 我真係未聽過囉 ~~~

(哈 ... 我真係好鍾意呢張相呀 ... 好白痴 .... 哈哈 ... )

winnie the pooh: 小姐 ... 今晚賞面食個飯冇呀 ??????
喵喵: 哼 ... 我唔食蜜糖架喎 ........ 我淨係食貓糧咋喎 ~~~

小苦妹 @ 菠蘿山 ...

沒有花茶興樹多啤梨,
意外地上菠蘿山走左一轉 ...

今日同行的, 還有小苦妹 !!!

火燒後的菠蘿山,

開始長出小樹苗,

睇黎 ... 要過多十年八載,

小樹苗先會變成大樹呢 ~

心裡有話想說 ...

多麼想跟你分享的一天 ...

如果我呢個假期,
剛巧碰上你的例假 ...

你話 ... 幾好呢 ~~~

可惜丫 ...

找到了 ...

本來打算同 Pooh Pooh 去 SAA 探下小貓興小狗,
天公不造美, 取消了預計既行程,
只係食左個 lunch , 就回家了 ~~

閒逛時, 無意中見到晴天公仔既手指公仔 & 音樂盒,
本來想買, 不過最後 ...
算擺啦, 唔想要喇 ...

回家途中, 無意中, 又俾我發現另一樣野,
呢一樣野, 同個朋友都搵左好耐,
其實都幾好笑 ... 之前大家搵左好耐都搵唔到,
今日竟然俾我喺咁既情況之下喺屋企樓下個商場見到,
原來一直要搵既野, 一直就喺你附近 !!
不過見到又點丫 ...
而家見到, 都已經冇意思 ...
大獎係咩 ?? 唔想知喇 ~~~

詭異的發現 ...

"袋中袋" 事件 ... 諗左好耐, 都諗唔到點解 !!!

夜晚, 將呢個咁詭異既現象同小美兒分享 ...

似乎大家都有丁點慨嘆 ... 咁喎 ~~

" The Spiderwick Chronicles

沒有想像中的好看,
厚厚既魔怪書, 就只有那幾隻其醜無比的蛤蟆 ??
魔怪阿頭, 倒頭來, 咁輕易就俾隻豬吞左落肚 ??
呢個故仔, 就咁就完左 ??
整體都 OK 既 ... 之不過,
略嫌有點兒 ... 爛尾 !!!

整套戲, 唯一有印象既, 就只有 ...

U die , I die ... We all die !! Bye Bye ~~~

癲 ... 喪 ... 玩 ... 嘔 ... 訓 ...

20 Mar 2008

再次發惡夢, 夢裡面 ... 明明同 D 朋友食緊飯, 無啦啦有個客黎左 ... 鬧鬧鬧鬧鬧 !!
點知第二朝返到公司, 又發現阿有趣小姐 "出左事", 仲要係我琴晚夢見果個客 !! 好驚 !!!
同大佬講 ...
唉 ... 算擺啦 ...

由這一分鐘開始計起春風秋雨間,
限我對你以半年時間慢慢的心淡 ...

放工, 同大嫂行左陣街, join 埋大佬食左個快飯 ... 再 join 埋其他同事開 "減壓大會"
嘩 ... 呢個 call meeting 好多人 ... No.1, No.2, 大佬, 大嫂, 啤啤, Kan Kan, 小次良, Ian 囝囝, 海洋先生, 國樑, Mr. & Mrs Fung, Alex & Last Day 既醬爆先生 !!!

事先張揚 "請不要阻止他人飲酒" 之下 ... 一個二個都玩到傻左 !!
Alex 好認真咁分析, 邊個 package 抵 d ...
er ... 離開左公司, 真係唔識計價架喇 ...
你講咩, 我地都只會答 "好丫好丫 ... 呢個好丫"

印象中, 好似只係唱左幾首歌就冇再唱,
由頭玩到落尾 ... 由頭飲到落尾 ...

Finally ... 2 位小朋友俾我地呢班 "老虎 .... woa ~~~~ " 搞掂左 !!
Ian 囝囝唔係衰 "唔飲得", 而係衰 "得戚" ...
下次唔好指住人講 "我飲得多過你" ... 哈哈 ~~

走果陣, 成班人陪我等 "6639",
等果陣, 仲好清醒 ...
唔知點解, 一搭完果程的士,
就好似上哂腦咁 ... 一落車即嘔,
對於點樣入大廈門口,
點樣入屋企門口,
真係零印象 ... 睇黎 ...
好似真係斷左片 !!!

廿蚊雞晚餐 ...

19 Mar 2008

因為 "追討補習費" 事件, 今晚有人請食飯 !!!

自上一次同唐生食日飯之後,

今晚, 係一年後既第二次見面 ...

感覺還好 ...

一年前喺意大利買既手繩,

今晚終於可以親手送俾佢 lu ...

去左吉吉島食手打烏冬,

都幾好味 ...

不過一番說話, 搞到我唔敢再食 !!

女人係小氣架喇 ... 哈 ~~

有傾有講, 又講下近況 ...

其實我既近況, 都真係幾 yim 悶 !

返工返工 & 返工 !!!

唔係幾想講野,

唔係幾想見人,

唔係幾想玩 ....

又或者係 "選擇性" 地約人出黎見面 ...

講番波波懶尿事件 ...

雖然, 我未必真係會搵唐生幫手,

不過聽到佢咁講, 其實都幾感動,

起碼知道又多番個人關心自己,

都幾好丫 ...

any 肥 ... 今晚只係用左二十蚊就食到咁多野,

好抵呢 ~~~

多謝哂 ~~~

* * * * * * * * * * * * * * * * * * * * * * * * * * * * * * * * * * **

to 唐生:

今晚, 已經將你由 "其他連絡人" .... up grade 左上 "buddies" ....

希望真係可以好好地同你做番好朋友 ...

from 麻煩琪

有病呻吟 ...

18 Mar 2008

臨 "睇醫生" 之前, 去睇左陣貓貓 and then 食左個好好味既粉粉 ... 好耐冇食過喇 !!!

食飽飽, 就坐定定同醫生講我既近況 ...

其實, 真係冇乜幾可好似今晚咁,

將所有所有野講哂出黎,

就連 ... 我好介意既事,

都一口氣講俾醫生聽,

其實好明白背後既動機,

不過心裡面真係介意 ...

算擺啦 ...

另外, 我真係懷疑自己有情緒病,

我真係癲到對住疊 A4 紙喊 ...

太大壓力, 痴左線 !!!

一口氣講完 ... 開始 "及" 仔 ...

哈哈 ... 大隻仔真係好型呀 !!!

飲飲下, 無啦啦多左 round 免費 shooter ... 正 !!!

飲完 ... 真係 a little bit wing ...

仲唔知醒落車, 幾乎返左故居添 !!!

哈哈 ~~

多謝你呀, 何醫生 !!!

Wasabi 之最 ...

集 "多事" 於一身的一天 ..

程式上出現無法修補的問題 !!

係時候要見見大夫 !!

Book 左聽晚 ...

希望呢位女醫師既藥方,

可以醫好小女子既病啦 ~~

放工, 即興同晚間朋友去左一直都好想去既 ...

時新快餐店食飽飽,

嘩, 真係好好味 !!!

一路食, d 汁一路咇出黎 ...

好味道 !!!

琴晚無意中聽到 Wasabi 入行以黎播得最多既歌,

原來係 "細水長流" & "餘情未了" ...

我想講, 自從擁有第一部 mp3 至到而家用電話聽歌

呢 2 首歌, 一定都會出現喺我既 play list 裡面 ...

BiBi ... 愛死你 !!

花花花 ...

幾經辛苦, 排除萬難, 終於去到維園 !!!
冇錯 ... 係香港既維園 !!!
唔講, 真係以為自己去左菲律賓 or 印尼 !!!

因為今年既主題係 "太陽花" ...
所以好想好想好想好想去花展, 約埋大芘姐, 小美兒 & 樂樂一同去賞花

一心以為有好多太陽花, 點知 ... 都唔係既 ~~
不過, 其他花花都好靚 ... 今日發現左有一隻花, 個樣好似 "史立莎" ... 又名 "史立花" ... 哈 ~~

行行下, 巧遇陳小玲 & 浩龍 ... 真係有緣架呢我地 ~~~

賞完花, 去左老翠醫肚 and then 返老家會合我地果 144 個朋友 ...

慘敗 !!!

* * * * * * * * * * ** * * * * * * * * * * * * * * * * * * * * *

諗住入房拎沖涼 ... 發現波波又懶尿 !!
上星期係咁, 今日又係咁 ...
已經好攰, 條頸已經好痛 ... 做咩仲要懶尿, 要我做咁多野 ??
發哂茅咁捉波波出黎打, 打到自己隻手好痛, 搵拖鞋再打 !!
好大聲鬧, 捉佢返去張床度, 等佢知道我因咩事鬧佢 !!!
大聲鬧鬧鬧 ... 好激動咁同波波講 "今晚唔好俾我再見到你, 見鑊打鑊 !!!
好閔好閔 ...

冷靜完, 返房抺床 ... 想棟起個床 "肉" 吹下, 唔夠力 ...
成張床肉 sin 番落黎 ... 放棄喇我 ...
坐喺窗台, 望住張床發呆 ...
真係好攰喇, 唔好再蝦我好唔好 ????

* * * * * * * * * * * * * * * * * * * * * * * * * * * * * * * * * * * * * * * *

Full Schedule ....

其實 ... HK Show 之後, 舊病復發 ... 今日要見醫生 ... 如果唔見下醫生, Basel 果陣條頸再痛 D , 到時都唔知點算 !!!

見完醫生, 約左淑雯去睇伴娘裙, 好成功 ... 一擊即中 !!! 好快就揀左一條著到我好瘦既裙 !! 嘻 ~~~ (最衰唔記得左影相 ... )

睇完裙, 諗住行多陣, 去探下 "拖肥" 豬就返屋企, 途中 ... 收到個 SMS ... "do u want to buffet at disney tonight??" ...

其實好掙扎 ... 個心好想去, "想去與唔想去之間" .... 之不過 ... 最後都係 gogogo !!!

先 join 晚間朋友, 再等埋小美兒就開餐 ... 一向對 buffet 都油麻地既我, 都唔知點解今晚會黎 ... 可能真係鬼上身 !!!

食飽飽, 去公園打左個白鴿轉 ... 唉 ... 個腦不停諗番一年零三個月前既事 ... 呢個公園 ... 我黎過啦 ~~~ 果 d 車車 ... 果個泳池 ... 算擺啦 ~~ 諗下都冇壞既其實又 ~~~

有人玩大左 ... 真係返屯門唱 K ??? 好攰喎我真係 ... 最後變左返 "劉宅" 飲野 !! 呢個節目, 同琴晚好似 ... 哈 ~~~

好正經, 睇電視 (宣傳易) + 飲野 + 食花生 again ... 睇 SO 師傅教睇相 (一直都唔知, 原來我屋企睇到有線 !!! ) ...

唔知點解, 突然打起上黎 (人地) ... 我只係冷眼(旁觀) ... 最後, 中伏了 !!! 都唔知點解無啦啦被拖埋落水 .. 由梳化打到入房, 再由房打番出廳 ... 其間, 有人打到要換衫, 有人打到要除衫, 有人打到要開風扇 ... 我係無辜架 !!! 點解要搞我 ???

any 肥 ... 今日過得好充實 !!!

丫丫丫 ... 今日, 我對 "Gold Coast 既二十四分鐘" 見解, 真係好有滿足感 !!! 我既 "最徍分析獎", 並不是浪得虛名架呢 ~~~ exactly 係二十四 !!!! 哈哈 ~~~

重操故業 @ 補習老師 ...

(呢個啤酒, 都係酸 mei mei 架 ... 好好味 ~~)

我同大佬個 forecast 終於要喺班老細面前 present ... 太進取 ??

進取又點 ? 進取而又做到 ... 又點 ?? same same !!!

開完會, 再同大佬傾左幾句 ...

唉, 唔通我真係為 "興趣" 而打工咩 !! 咪玩啦 !!!

* * * * * * * * * * * * * * * * * * * * * * * * * * * * * * * * * * * * *

放工, 約埋晚間朋友一齊搭 "校巴" 返屯門補習 ...

補習之前去超級市場入貨 ... 嘩, 做咩事要買咁多野飲 ?

(原來樓下有酸 mei mei beer 買 ... 以後唔洗專登出去飲喇)

仲要買花生, 睇波咩 ...

我屋企冇波睇架, 波波豬就有一隻, 你睇唔睇丫 ?? 哈哈哈 ~~~

真係冇諗過, 我既晚間朋友對佢既工作, 真係零認識 ...

好啦 ... 今晚將我識既野教哂俾佢, 仲專登印埋 notes, 學得幾多得幾多啦 ...

學習完畢 ... 到左分享時間

分享完, 個心有 d up up 地 ...

唔得咁 ... 黃小花唔得咁 !!!

算 ~~~ 擺 ~~~ 啦 ~~~ 黃 ~~~ 小 ~~~ 花 ~~~

分享完畢, 晚間朋友借宿一宵

睇見佢地 3 隻野迫喺張梳化, 都咪話唔好笑 ... 哈哈 ~~~

* * * * * * * * * * * * * * * * * * * * * * * * * * * * * * * * * * * * *

短聚 @ 晴晴媽媽 & 爸爸 ...

晴晴媽媽每一日既溫馨提示 ... so warm !!! 好耐冇見過晴晴豬, 心血來潮約佢地一家大細食飯 ... 當係補祝媽媽生日 ~~~

晴晴豬已經好大個, 大到成個波波咁 ... 菲菲契媽好想快 d 見到晴晴呀 ~~

雖然食得好趕 ... 不過, 都好開心呢 ~~~

* * * * * * * * * * * * * * * * * * * * * * * * * * * * * * * * * * * * * * * *

收到阿 No. 2 order, 要緊急召集開 "減壓大會" ... 哈, 呢個 call meeting 好成功 !!!
各位 manager, 係時候減減壓喇 !!!

而家 confirm 左可以出席呢個會議既人有: No.1 , No.2, 大佬, 啤啤, Kan Kan, 海洋先生, Eric Fung, 小次良 & 醫人

喂 ... No. 2 , 我做到野架真係 ~~~

* * * * * * * * * * * * * * * * * * * * * * * * * * * * * * * * * * * * * * * *

好耐 ... 好耐 ... 好耐 ... 好耐 ... 都冇試過同唐生 msn ...
諗諗下, 我地好似冇乜經歷過 "朋友" 既階段,
以後既日子, 要好好地做下朋友呢 ~~~
之不過, 請不要喺我面前 "扮型 & 扮 cute" ...

* * * * * * * * * * * * * * * * * * * * * * * * * * * * * * * * * * * * * * * *

今日學識左 ... 喺識當既時候俾人知道你需要佢 ...
喂, 我需要你果陣, 你係咪唔訓先 ???????
搵笨既 ~~~

* * * * * * * * * * * * * * * * * * * * * * * * * * * * * * * * * * * * * * * *

解藥 ...

就算幾唔開心, 幾閔掙都好 ... 收到你朵黃色小花 & 唔解說都唔知你畫緊乜既圖畫之後 ... 我又開心番哂 lu ...

如果 ... 加埋今日所講既野可以成真既話, 我會更加開心添囉 ... 哈哈 ~~

* * * * * * * * * * * * * * * * * * * * * * * * * * * * * * * * * * * *

七點半收工, 收到 Pooh Pooh 電話 ... 本來真係好攰好攰 ... 好啦, 近近地食個飯都 OK 既 ... 雖然只係食左幾啖, 不過都好飽呢 ... 知你有心, 雖然打左好多個喊露 ... 不過, 我收到哂架喇 ...

* * * * * * * * * * * * * * * * * * * * * * * * * * * * * * * * * * * *

本來唔想再睇最美麗的第七天架喇 ... 呢幾集成日都喊苦喊忽 ... 之不過, 心引起, 又好想知道個結局 ...

睇睇下, 有位觀眾來電問問題 ... 一輪咀答答答 ... 希望我既詳盡解釋可以滿足到呢位觀眾啦 ... (其實阿淩家恩之所以抽筋 ... 係因為 ... hahahahha)

* * * * * * * * * * * * * * * * * * * * * * * * * * * * * * * * * * * *

我的晚間朋友:

放心啦, 我會將我畢生既功力, 傳授俾你架喇 !!! Yeah !!!!

* * * * * * * * * * * * * * * * * * * * * * * * * * * * * * * * * * * *

中頭獎 ...

(呢棵就係果棵死鬼木棉樹 !!! 激到我嬲嬲地, 即刻影低佢 !!! )

自從搬家之後, 每一日, 都會喺一棵木棉樹下面等村巴返工 ...

兩三個星期前開始幻想 "丫, D 木棉花咁大粒, 會唔會跌落黎架呢 ? 如果真係跌落黎, 會唔會有一日咁岩跌落黎既時候打中我呢 ?? "

點知 ... 今日 "夢想成真" !!!

大大粒木棉花跌落我個頭度 !!!

我夠成日幻想我中六合彩啦, 又唔見我中 !!!

頂 ~~~~~~~~~~

不再美麗的第七天 ...

最美麗的第七天已經唔再無聊 ...

我唔鍾意睇 lu ...

Today is Sleeping Day ....

不停訓, 不停訓, 不停訓 ...
肚餓, 起身食野, 再訓 ...
訓醒見悶, 幫大小王子沖涼 .... 沖完, 再訓 ...
再訓醒, 再肚餓, 再食野 ... 又想再訓 ...
哈 ... 好爽 ~~~

* * * * * * * * * * * * * * * * * * * * * * * * * * * * * * * * *

呢排, 不停發夢 ... 幾乎每晚都發夢 ...
每次起身既時候, 好記得個夢既每一個細節

昨晚夢見既野, 同現實完全相反 ...
雖然, 好鍾意夢裡面果隻粉紅色閃閃錶 ...
之不過, 現實生活中既我, 係唔帶錶 ...

好想同番當事人講 "喂, 我琴晚發夢見到你呀 !!"

* * * * * * * * * * * * * * * * * * * * * * * * * * * * * * * * *

Last Day ...

終於收 Show !!!
過左幾日 "非人生活" ... 筋疲力盡 !!!
已經周身骨痛, 再加上嚴重失眠 ...
今日, 整個朝頭早, 都唔知自己做緊乜 !!!

今日算係最得閒既一日 ... 下午, 成班無聊仔, 喺度教 D 鬼佬講中文 ...
"夠喇" means ENOUGH ... 不過, 佢地講到好似講粗口咁 ... 仲要企正係 booth 門口大大聲聲講 "夠喇" ... 嚇鬼死 ~~

除左班鬼, 我 & No. 2 教醫人小朋友講 local 講東話 ... "do you know the meaning of 2 舊水 ?? " .... is it 2 pcs of water ?? ..... 哈哈 ... 笑死左 ~~

* * * * * * * * * * * * * * * * * * * * * * * * * * * * * * * * *

太攰, 諗住返屋企休息 ... 點知 ... 最後落左街同 Pooh Pooh 去飲珍珠奶茶 ...
嘩, 好耐冇去過仙蹟岩喇 ~~~
早幾年, 成日去呢 d 地方 hea , 一坐就坐幾粒鐘 ...

* * * * * * * * * * * * * * * * * * * * * * * * * * * * * * * * *

HK Show 只係 Part 1 ... 黎緊既日子, 仲有 Part 2 & Part 3 ...

仲有排捱呀 !!

* * * * * * * * * * * * * * * * * * * * * * * * * * * * * * * * *

諗諗下, 其實 ... 一直搞緊事果個, 會唔會係自己 ??

算擺啦 ....

* * * * * * * * * * * * * * * * * * * * * * * * * * * * * * * * *

4th Day ...

雖然忙 ... 但係今日, 終於有時間水下 ...

Kan Kan 既 "一柴" & "chicken or duck ... chicken's fd = duck" ... 笑死左 !!!

無意中, 知道 "醫人小朋友" 對鞋幾錢 ... 今日先知, 原來好多男人都會買鞋唔 meet 鞋底個貼貼架 ... 仲有仲有, "醫人小朋友" 除左外型似春麗媽媽之外, 仲有一樣野都好似媽媽 ... 就係 "超大手汗" ... 佢地對手都係濕笠笠架 ~!!!!

仍然中毒中, 不停唱住春麗媽媽首歌 ...

臨收 show 前一個鐘, 有個唔識英文既智利肥女人游左埋黎 ... 以為佢混桔, 點知 ... 哈 ~~~

唔通黃大仙真係咁準 ???

* * * * * * * * * * * * * * * * * * * * * * * * * * * * * * * * * * * *

好耐冇傾計 ... 原來, 大家工作上都出現問題 ... 你都得架喇, 只係開左個頭, 你就幫我講埋下半段 ... 叻叻豬呀 ~~~

to my dearest dearest dearest dearest 大哥:

we keep smile together 啦 !!!

from your lovely 小妹

p.s ... 要分享, 又要解決時差問題 ... 方法只有一個 ... 哈 ~~

* * * * * * * * * * * * * * * * * * * * * * * * * * * * * * * * * * * *

諗諗下, 好耐冇見過人, 好似好耐都冇喺街流連過 ... 唔洗同客食飯, 今日又冇之前果幾日咁 B , 諗住小小地, 搵人喺附近 happy hour ... 點知 ...

有人要返學, 心諗 "你唔會咁好學架喎" ... 原來 ... 呢位女子係因為要拎 "地盤佬牌" 先去返學 ... 認唔住大笑 ... 哈哈 ~~~

至於阿行家先生 ... 人地明明問佢 "今日收 show" ... 收 show原來係 = 星期六 ... 激死我 !!!

* * * * * * * * * * * * * * * * * * * * * * * * * * * * * * * * * * * *

一句說話, 足以令我今晚訓唔著 ...

好想好想問 ... 點解要咁 ??

算擺啦 ...

* * * * * * * * * * * * * * * * * * * * * * * * * * * * * * * * * * * *

3rd Day ...

滿懷希望, 點知 ... 新官上任 ... 又要改 forecast ...
唉 ~~~

* * * * * * * * * * * * * * * * * * * * * * * * * * * * * *

因為春麗媽媽既鈴聲 ... 中毒了 !!!

沒有得你的允許 ... 我都會愛下去 ~~~

* * * * * * * * * * * * * * * * * * * * * * * * * * * * * *

雖然唔洗陪客食飯 ...
但係 ...... 超累 ...
超晏收 show ... (我只係希收 show 時, 啤啤鋪頭仲未落閘 !!! )
仲要明天五點要拎單 ??
飯局 ?? 返屋企計價擺啦 ...
ERP is waiting for me ...
唉 ~~

* * * * * * * * * * * * * * * * * * * * * * * * * * * * * *

最美麗的第七天完了 = 開工
唉 ~~~~~~~~

* * * * * * * * * * * * * * * * * * * * * * * * * * * * * *

2nd Day ...

頸, 膊頭, 背, 腰, 手, 腳 ... 不再屬於自己 !!!

神情呆滯中 ...

醒呀 ... 劉綺琪 !!!

1st Day ...

So depress by those TURK ...

i think i cant handle by myself ...

anyone can tell me what SHOULD i do ???

how come all the DEATH appear in Turkey, Russia & Dubai ???

Our Slogan ... 算擺啦 ...

劉綺琪 ... 算擺啦 ~~~

正如 JC 所講 ... 冇謂激心 ... 都係要做 !!! 之不過真係估阿有趣唔到 ...
真係好想問佢一句 "點解你乜 x 都唔識" !!!

好彩, 得到 B B 同事既 "快樂果實" ... 唔食得, 望下都好丫 ...

快樂果實 = 開心果 ... 哈 ... 好無聊 !!

* * * * * * * * * * * * * * * * * * * * * * * * * * * * * *

為左獎勵自己, 今晚我要 "掃街" !!

一串燒賣 + 一串牛什 + 一條司華力腸 + 一串沙嗲 (牛) + 一串橙色生腸 + 一串魚蛋 ...

好好味 !!!

* * * * * * * * * * * * * * * * * * * * * * * * * * * * * *

長氣呀呀長氣人 ... 知道架喇, 我冇野, 只係想呻下架咋 ...

* * * * * * * * * * * * * * * * * * * * * * * * * * * * * *

第一次運用"瞬間轉移" ... 好成功呢 !!!

* * * * * * * * * * * * * * * * * * * * * * * * * * * * * *

親親大自然 @ 南生圍 ...

一如所願, 今日可以親親大自然 ...

雖然去唔到南丫丫, 但係 ... 南生圍, 同樣可愛 !!!

滑一滑既豆腐花

驚到腳軟既木橋

好得人驚既 "輝哥蜜蜂酒"

壯觀既蘆葦海

咸蛋王下的出腸腸出前丁丁

一手攬唔哂既大樹

五蚊雞渡河

今日既節目, 實在好到不得之了 ...

好舒服 ... 真真正正可以 take a break !!

本來好想大叫一下, 之不過 ...

今日真係應該要好好享受一下呢一份寧靜 !!

多謝哂 ~~~

鬼上身 〈二〉 ...

充斥住天拿水味既環境之下, 做到夜晚 9 點 ... 好暈, 好 wing ...

一切活動, 被迫趣消 !!! (對唔住呀的士大佬, 我真係好想黎架 ... 不過, 真係好攰, 我唔想戇居居, 洽哂眼訓咁對住你地 ... )

好明白, 大家都唔想 ... 辛苦既, 唔止我一個 ... 加油呀, 劉綺琪 !! 下星期仲有排捱呀 !!!

不過真係好辛苦, 個腦完全諗唔到野 ... 一見到要用腦既 item 就飛 !!! 最後, 咪又係要搞 ... 今日, 總共 "do do " 左一千個 item ... 有一刻, 好想好想 ... 不過, 忍得住 ... 我都知春麗媽媽都好想幫我 ... 唉, 算擺啦, 食多多頭痛藥都唔會有用 !!

本來好想搭的士返屋企 (有得 claim) , 不過 ... 最後都行左一小轉 ...

最後, 仍然搵唔到我想搵既野 ...

唉, 你喺邊呀 ?? 普普通通就夠架喇 ... 點解成個星期都搵你唔到 ???

* * * * * * * * * * * * * * * * * * * * * * * * * * * * * * * * * * * * * * * * * * *

今晚, 阿根返左黎 ... 之不過 .... 其實 ..... 你知唔知 ... 你真係唔係幾受歡迎 ...

* * * * * * * * * * * * * * * * * * * * * * * * * * * * * * * * * * * * * * * * * * *

MSN ing ... 突然討論到鍾意晴天公仔既原因 ...

就憑一句 "唔好喊 ... 你是晴天的" ... 就鍾意左晴天公仔 .. .

我諗, 當事人都唔記得幾年前曾經過講呢句野 ...

* * * * * * * * * * * * * * * * * * * * * * * * * * * * * * * * * * * * * * * * * * *