新婚愉快 ...

傻 Wing 大婚之喜 ...

倒屎咁早就要起身出去打點一切 ~~

Cutie 化妝姐姐幫我化左個極為滿意既妝,

今日, 仲奉獻左我生命裡的第一次 - 假眼 "節" 毛,

叮叮叮 ... 好大的眼睛 ~~~

第二次做伴娘, 超級勁辛苦 !!!

整日都要做 "歡樂小姐",

酙荼遞水 & 收禮 ...

著住對 3 吋高踭鞋,

踎低起身 ... 都咪話唔攰 !!

返完男家, 食少少野,

再到酒樓準備 ...

影相, 酙荼 ... 笑笑笑, 笑到個咀咀好攰 !!

開席之後, 我就負責跟住阿新娘子,

幫手換衫, 轉手飾 ...

人仔細細拎住 d 老連咁長既裙,

手軟 ~~~

雖然辛苦, 不過整體黎講,

今日都真係幾開心既其實又 ~~

係人都估到, 阿新娘子一定會喊,

哈 ... 最後, 當然係 ... 化妝哥哥要極速補妝啦 ~~

今日再一次証明, 無論係邊個既婚禮,

我都會覺得好感動, 主人家未喊, 我都已然眼濕濕架呢 ~~~

傻婆 ... 唔好再同我講麻煩哂, 唔該你喇 ... 好煩呀你 ~~~

再講既話, "蔣" 你咀架 ~~~

哈 ~~~~