今天應該更高興 ...

今日, 有兩件值得開心的事 ...

久違了的生日禮物 :

雖然唔知有冇機會,
14 號之前親手接過呢份 "久違了的生日禮物及咭咭",
不過, 知你有呢個心, 已經好夠 ... 謝 !!!

全天候分享時間:

好耐都冇試過同大哥由朝早傾到收工,
知道個傻佬心情好番 D , 即時鬆一口氣 ~~~
其實出路不止一條,
只要想通一點, 仲有好多路可以行 !!
不停幫大哥搵 HK 既工, (我真係覺得喺 Ocean Park 做會好開心)
討論 HK 既生活指數,
一個月既基本洗費 ...
如果事成既話, 09 年就可以見到你喇 ...
唔知到時會點呢 ??
到時 ... 係咪真係可以一齊搭的士返屋企呢 ???
講到好似聽日就返香港咁 ~~~~
不過, 簡唔時發下夢 (人地), 都幾開心呢 ~~~

* * * * * * * * * * * * * * * * * * * * * * * * * * * * * * * * * *

最近, 有個人令我好擔心 ...
每次出門, 我最擔心既就係我 2 隻仔 ...
睇黎今次出門, 有多樣野令我擔心 ...
請你振作一點 !!!
可以將你由谷底救出來的,
就只有你自己一個 !!

雖然 ... 我好明白你而家既心情,
好似做咩都無能為力,
好沮喪, 好攰 ... 食唔安, 訓唔落,

不過 ... 身為好朋友, 做唔到 D 咩 ...
只可以喺你覺得空虛寂寞同埋凍既時候陪下你,
一切既造化, 就睇你自己 ...
乖乖地啦 ... 好冇 ???

* * * * * * * * * * * * * * * * * * * * * * * * * * * * * * * * * *

我愛 MK ??

體力勞動完, 今日 ... 全身都好似唔屬於自己咁 ~~
一千個掙扎 ... 最後 ... 熄左鬧鐘, 再訓過 !!

終於起身, 出去還番條裙 ...
原來, 我都唔係唔鍾意 MK,
只係 ... 唔鍾意人多既 MK ...

三點幾行左轉 ... 嘩, 冇人架 !!!
好爽 !!! 連食 "垃圾" 都冇人同我爭架呢 ~~~

* * * * * * * * * * * * * * * * * * * * * * * * * * * * * * * * * * * * * * *

hey my dearest big bro ...
how are u ??
suddenly thinking of u ....

懶妹仲未得閒去寄禮物
希望今個星期搞得掂啦 ~~
好想快 D 將 D 正能量寄俾你呢 ~~ 嘻 ~~~

* * * * * * * * * * * * * * * * * * * * * * * * * * * * * * * * * * * * * * *

新婚愉快 ...

傻 Wing 大婚之喜 ...

倒屎咁早就要起身出去打點一切 ~~

Cutie 化妝姐姐幫我化左個極為滿意既妝,

今日, 仲奉獻左我生命裡的第一次 - 假眼 "節" 毛,

叮叮叮 ... 好大的眼睛 ~~~

第二次做伴娘, 超級勁辛苦 !!!

整日都要做 "歡樂小姐",

酙荼遞水 & 收禮 ...

著住對 3 吋高踭鞋,

踎低起身 ... 都咪話唔攰 !!

返完男家, 食少少野,

再到酒樓準備 ...

影相, 酙荼 ... 笑笑笑, 笑到個咀咀好攰 !!

開席之後, 我就負責跟住阿新娘子,

幫手換衫, 轉手飾 ...

人仔細細拎住 d 老連咁長既裙,

手軟 ~~~

雖然辛苦, 不過整體黎講,

今日都真係幾開心既其實又 ~~

係人都估到, 阿新娘子一定會喊,

哈 ... 最後, 當然係 ... 化妝哥哥要極速補妝啦 ~~

今日再一次証明, 無論係邊個既婚禮,

我都會覺得好感動, 主人家未喊, 我都已然眼濕濕架呢 ~~~

傻婆 ... 唔好再同我講麻煩哂, 唔該你喇 ... 好煩呀你 ~~~

再講既話, "蔣" 你咀架 ~~~

哈 ~~~~

溫暖的家 ....

被通緝, 今晚去左悲情城市食飯,
好耐都冇食過住家飯 & 飲住家湯,
今晚仲要有我最鍾意既魚魚, 嘻 ~~~~
食完飯, 同高生喺廚房傾計, 個傻佬同我講 ...
"女呀女, 做咩咁耐唔黎, 老豆掛住你呢 ~~ "
老豆呀老豆, 我都想多 D 上黎架其實,
之不過, 真係好忙呢 ~~~

離開悲情城市, 去左搵中學同學仔,
本身已經都 ok 多負能量,
點知有人既負能量極重 ...
呢單野都真係唔知點搞 ...

雖然只係飲左一枝, 阿同學仔已經呼呼大睡 ...
其實自己都好眼訓,
但係見阿同學仔個黑眼圈仲黑過自己,
好似好多日都冇訓過咁,
難得佢訓得著, 由佢訓下擺啦 ....

聽日有大 project ... 都係早 d 訓擺啦 ~~~~

黃金約會 ...

一早要去金鐘拎 visa,
唔知係咪習慣性關係,
搭 960 就應該喺灣仔橋底落,
傻下傻下 ... 又去左新釗記食早餐呢 ~~~

搞掂哂, 開番個電話 ... 妖, 洗唔洗咁 Q 多 voice mail,
又係社署 ... 好煩好煩, 唔想再理喇, 唔好再打俾我好冇 ??
睇睇時間, 只不過係 10 點鬆 D,
兜路行左入公園再去搭車,
成個公園都冇乜人, 好爽呢 ~~~

4 大黃金成員 (劉妃, 陳妃, 林老闆 & 大隻均) 再度合體,
唏 ... 講左就係架啦,
仲洗乜 re-confirm 呢 ~~
到咁尚下時候,
各成員就會自己蒲頭架喇 ...

超鍾意 "週週長有限公司",
週週雖長, 之不過 ... 有限 & 林 ... 架呢 ~~
低能仔 !!!

食飽飽, 4 位黃金成員就去左一個一百年都冇去過既地方 "仁愛堂" ...
嘩 .... 超耐冇打保齡球, 超低分 ... (我覺得今晚真係 "有人" 針對我)
還記得果陣, 個個星期都去 ... 仲玩到拎埋 VIP 咭呢 ~~~
太耐冇玩, 除左生疏哂, 好快就手仔痛 ..

其實去番呢個地方, 感覺其實都幾得意,
好似好多事都係由呢個地方開始 ...
當中, 有幾多個喺呢度認識既人,
已經成為左我既 "過客" ??

12 點, 散水 ...
因為我出 "包" 而獲得各成員送我返屋企 ...
哈 ... 住得最近果個竟然 win ... 天意囉呢 d 咪就係 ~~

B 仔個仔呀 ... 仔仔好靚仔個仔呀 ..
仔女個女呀 ... 女人個人呀 ...
忍者龜個龜呀 ... 龜仙人個人呀 ...
哈 ... 好無聊呢 ~~~

* * * * * * * * * * * * * * * * * * * * * * * * * * * * * * * * * *

會考生先生:

希望你可以喺新課程之下得到一個番身既機會,
祝 "會考大成功" !!

共勉之 ~~~~

* * * * * * * * * * * * * * * * * * * * * * * * * * * * * * * * * *

我們的 e-mail ...

一連幾日, send 左 2 個好長好長好長好長好長既 e-mail ...

希望當事人會睇得到 ...

其實冇乜特別,

只係 ... 有感而發而已 ~~~~

菲菲的感應 ....

分家後, 靜靜的 ...所有事都提不起勁,
嘻嘻哈哈既日子, 應該好難會再出現 ....

上星期, 已經好想分享, 之不過 ...
今日終於有機會同大哥傾個計 ...
原來大家於不同層面上都有個 "結",
雖然暗地裡覺得可惜, 咁辛苦先捱到呢個地步,
之不過 ... 好欣賞大哥唔會為左一己私慾而連累其他人,
講緊既, 好可能係一條性命 !!
雖然我做唔到 D 乜,
如果我既感應真係可以令你舒服 D 既話,
我都唔介意日日遲少少放工 ~~~
加油加油 ...

放工約左 abrenda, yvonne & 好耐好耐好耐冇見既美琪,
真羞家, 住喺市中心, 竟然唔知別府喺邊 ...
一早講喺 gym 隔離, 我咪知囉 ... 唏 ~~~
唔知係咪太耐冇見, 雞啄唔斷 ...
見 abrenda 一提起個仔, 就由個心到笑左出黎 ...
大個喇, 個個都成家立室 ...
唔知幾時先到自己呢 ?? 哈 ~~~

六月六月 ...
喂, 記住我地六月個約會呀 ~~~
哈哈 ~~~

世界關懷肚痛日 ....

正常肚痛 + 非正常肚痛 = 好很肚痛

不在狀態下仲要搬位 ... 想死 !!!

放工仲一定要去太子拎裙 ... 更加想死 !!!
(一行近聯合, 就諗起果一千隻小強 ... 去到門口, 急步而行 !!! )

劉太, 你 OT 得好合時呢,
睇怕就算我出到黎, 都係死魚一條呢 ~~

今日分別有 2 個人同我講,
"有咩就打俾我啦, 即到 ... "
so warm ~~~

* * * * * * * * * * * * * * * * * * * * * * * * * * * * * * * * *

陳冰人,
加油 !!! 仲有好多事等住你去處理,
請保重身體 !!!

from: 牛屎琪

* * * * * * * * * * * * * * * * * * * * * * * * * * * * * * * * *

迷 .....

一, 二, 三, 四, 五, 六, 七 ........

究竟 phone 裡面, 總共有幾多個電話呢 ??

究竟我今晚傾左幾多個電話呢 ???

哈 ~~~~

那夜我在家裡痾夜尿 ....

痾夜尿的原因 ...

因為 ... 我 .... 急尿 ... 囉 ~~~~~

咁都仲要問 ... 係咪傻架你 ???

夜麻麻摷醒人, 良心都有少少過意唔去添 ... 嘻 ~~~

甜美星期天 ...

琴晚 hea hea 下, 三點幾四點先訓 ...
今日黎一個自然醒, 好爽 !!!
之不過, 唔知係咪太耐冇放假,
朝早起身果陣個心突然離一離,
死伙 ... 今日星期幾 ??
諗左好耐, 都唔知星期幾,
最後 ... 18503 ... 哈 ~~

魂都未回得切, 就收到晴晴媽媽既電話,
嘻 ... 我都想見下你地呢 ~~
同三小口子行街街, 散下步,
咁又過左半日 ... 回家途中, 又撞到孖女一家 4 口添 ~~
感染下人地既幸福,
覺得自己都開心左 D ...

無無聊, 返屋企, 睇左 2 個鐘 youtube ...
睇睇下, 又收到另一個電話 ...

打左個冷, 吹左個水, 閃人 ...
本來 ... 好想飲個酒,
唉 ... 算擺啦 ...
好彩琴晚有人留左酒 !!!

睇黎, 呢期見得最多既, 睇怕都係輝哥 !!!

可惡的 Bear Bear 熊 ..

長週 ... 極度眼訓之下, 孤軍作戰 ...

本來 fully booking 的一天 ...

剪頭髮 = > Dinner = > 飲野

好白痴, 一直都唔知剪頭髮果度係冇得 EPS ..
好彩 ... dick dick 冇收我錢 ... so good ~~~~

雖然 ... 最後呢 3 樣都有做齊,
不過 ... 由出街飲, 變左做返屋企飲 ...

一句到尾, 都係呢隻 Bear Bear 熊累事 !!!

* * * * * * * * * * * * * * * * * * * * * * * * * * * * * * * * * * * * * * *

今晚有 2 位嘉賓作客 ...
原來, 我真係唔識 handle 心情唔好既朋友,
even 識左十幾年, 我都唔係好知不快的主因 !!
唯一可以做既, 咪就係講下無聊野,
聽你講下野 ... 咁囉 ~~~~

世事難料 ... 拍得耐拖又點丫,
學阿邊邊個所講, 結左婚七十年都可以離婚啦 ...

你理唔到咁多架喇 ...

加油 !!!!!
我深信 "世界很快會變得很美" ....
當下的不快, 只因 the best is yet to come !!

* * * * * * * * * * * * * * * * * * * * * * * * * * * * * * * * * * * * * * *

Good News ???

好忙好忙好忙好忙好忙 x 1000000000000000000000000

忙完過後, 係咪真係有回報 ??
聽落好似係, 但係 ... 我仲有冇命仔享福 ??
i dont think so ...

終於聽完口水佬 s 訓話,
join 埋傻 wing 班姊妹,
食左個飯, 傾下大日子既安排,
嘩 ... 點解個 run-down , 咁多欄都關自己事 ??
算啦算啦, 見係個福雞咋 ... 哈哈 ~~

由今晚起, 要勤力 D 做 mask ...
好乾呀我個面面 ... 妖 ~~~

我們的靈照片 ...

巴黎鐵塔下的 "5 傻" .... wahahaha

攣到爆 @ 梁祖祖 ...

等左幾個月 ... 終於等到你喇 ... 祖祖 !!!

因為之前已經睇過一次, 知道好好睇, 所以 ... 介紹埋小美兒, 超超 B B & 阿沛一齊去睇 ... 希望佢地都覺得物有所值啦 ~~

雖然, 睇落好似係一個關於基佬既鬧劇, 得淡笑 ...
但係 ... 其實內裡係有好多關係 "愛" 既 message ..

第一階段: BBH 之戀

銅鑼灣 = > 華富村 = > 北角 = > 銅鑼灣
原來果陣, 好容易就會滿足 ...
無知, 天真, 傻, 覺得自己好煩,
因種種問題而分手收場 ...
好似好痛, 聽到每一首慘痛情歌,
都覺得好係講緊自己既故事,
但係日子一日一日咁過,
當事人既氣味, 口頭蟬, 身形, 習慣,
最後都係會慢慢忘記 ....

我的頭號慘情歌,
仍然係 .... "限期"

定是我愛著你, 過了限期 ...

親愛的 BBH :

有陣時, 我都會掛住你 ...
當軟弱時, 仍然會想起過往所有開心片段 ...
不過我相信, 就算我喺你面前咁講,
你都未必會信 ...
祝 - 生活甜美 !!!

第二階段: 毒品 Ken Wong

狠狠地被傷害 , 浪費左好多時間,

過左一 d 不知所謂既日子 ...
試過了 .... 又 ... 如何 ????

原來, 一路以黎既開心愉快,

只係自己呃自己的藉口而已 ...

第三階段: 林志健

原來除左自己,
真係會有人會寧願同陌生人分享,
我的陌生人, 當然係 ...

轟轟烈烈, 愛得死去活來, 浪漫主義, 曖昧關係,
通通已經出現過 ...

希望 "林志健" 好快就會出現,
其實 .....................................
我都好鍾意平平淡淡過日子 ...

* * * * * * * * * * * * * * * * * * * * * * * * * * * * * * * * * * *

今晚睇完梁祖祖, 心情確實舒暢不少 !!!

多謝祖祖, 多謝小美兒, 多謝超超, 多謝阿沛 !!!

* * * * * * * * * * * * * * * * * * * * * * * * * * * * * * * * * * *

燥 ...

好耐未試過喺公司咁燥 ...

終於忍唔住, 開口 diu ...

我都唔想, 係你地迫我 !!!!

不論溝通, 制度, 處理方法,
根本就係有問題 ...
不停有人提出,
但次次都冇人正視,
成 Q 日哂時間開埋哂 D 濕 9 會,
diu ... 有 Q 用 !!
留番啖氣暖肚 !!!

去死啦 ...

* * * * * * * * * * * * * * * * * * * * * * * * * * * * * * * * * * * *

正當今日燥狂指數其高之時, No. 2 send 左段咁既野黎 ...

http://appledaily.atnext.com/template/apple/art_main.cfm?iss_id=20080405&sec_id=4104&subsec_id=11867&art_id=10950357

希望我地仲有得醫啦 !!!

妖 ~~~~~~~~~~~~~~~

* * * * * * * * * * * * * * * * * * * * * * * * * * * * * * * * * * * *

煩 .................

一落機都要返公司做野 ... 頂 !!!

返到屯門 ... 巧遇肥仔 ... 嚴格黎講, 都算不上 "巧遇" ....

整頓好, 去左醫院了解情況 ... 一個字 ... 唉 ~~~~~~

你地想我點 ?? 明明可以好輕易解決問題, 點解要咁樣 ??

好彩當時肥仔喺度, 如果唔係 ... 都唔知會點 ...

算叫做 settle down 呢單野, 去食少少野 ... 返屋企等 pooh pooh 放工俾份無聊小手信佢 ...

好彩 ... 仲識笑 ...

Basel 之延續 ... Paris ...

去左咁多年 Basel, 今年 ... 事頭竟然話拉大隊去巴黎玩 ... 對於未去過巴黎既我, 都咪話唔 supprise ...

辛苦左咁多日, 雖然都已經攰到屎屎下, 不過一有得玩 ... 又精神番哂 ... 帶埋小苦妹 & Mickey Mouse, 齊齊坐車車去過一個 long longweekend ...





(我的小苦妹 + Mickey + 啤啤的 monchichi)

一到步就見到閃閃下既巴黎鐵塔 ... 我想講呢, 個塔真係識閃架, 好多燈燈閃閃下 ... 超靚 !!! 聽聞, 係最近先有架咋 ... 大家都興奮到不得之了, 係咁影相 .... 間酒店, 超近個塔, 行幾步就到 ... 仲要 d 設施好過北潭涌一千倍 ... 之不過 ... 呢間既野, 係會停電架囉 !!! 頂 ... 刷刷下牙, 突然黑蚊蚊, 想嚇死我咩 !!! 啤啤搵電話既燈入 toilet 救我 ... 個人定番 d , 就打番 HK 同 d 朋友仔報 "分享" 停電既消息 ... 雖然好驚, 不過又好好笑 ... 哈 ~~~




第二日 ... 玩玩玩 & 玩 ... 買買買 & 買 (人地) ... 好似 d 鴨仔團咁去哂巴黎既景點, 等同, D 遊客黎到 HK 一定要去海浪公園 & 山頂一樣 !!! 不過 ... 羅浮宮真係冇得頂 !! 細細個已經好想好想去 ... 嘻 ~~~


夜晚, 喺五十幾樓對住個無敵大景食 dinner ... 雖然好靚, 之不過, d 野 ... 好難食 ... 仲有 ... 我想講, 果邊係 8, 9 點先日落架囉 .. 我個位, 西斜 ... 曬 Q 死我 !!!


好早食完飯, 同埋爸爸媽媽, No. 2 & 啤啤去左個塔度玩 ... 影左張好鬼異既相 ... 哈 ... super low B !!!


Last 一日 ... 再 shopping ... 今次, 除左買左 2 件背心仔俾自己, 將所有 extra money 都買哂野食俾 d 朋友 & 同事 ... 同啤啤行到勁攰, 去 food court 搵野食, 點知 ... 巧遇青蛙人 & 爸爸媽媽 ... 食左個超級豪華 lunch ... 食晏都要食生毫, 蝦蝦 ... 幾丁友食左 2 千蚊, 都咪話唔過份 ... 好彩有青蛙人請啫 ... 呵 ~~~


食完豪華 lunch , 集合 ... 再食 ... 妖, 又係海鮮 ... 又係食毫 ... 哈 ... 好好味呀 ~~~ (今次, 個個都肚痛 - 因為食得太多, 相反 ... 我就咩事都冇 ... 都話架啦, 去到海外, 我個肚就會變番正常 ... 哈哈 )





正當一個二個都諗住食到飽飽地, 上機可以訓餐飽 ... 點知 ... delay ???? 真係 delay no more 咯 !!


一行 9 人 ...


4 個好好彩, direct 坐國泰返HK
2 個 ... 坐唔知乜 Q 去芬蘭再轉機返 HK
而 4 傻 (我 + 爸爸 + 媽媽 + NO. 2), 就坐東方航空走左轉上海先再轉機返 HK


一個二個好似走難咁, load 番哂 d 行李, 去另一間酒店住多晚 ... 第二朝準備走難 !!!




玩丫玩丫 ... 抵死架 ... 哈哈 ~~~

Basel 之旅 @ 2008 ...

今次呢個 trip 雖然冇意大利 show 咁忙, 不過, 都足以死人 !!! (攰死人, 嚇死人, 趕死人 )

酒店篇:

去年上左天堂, 今年 ... 我地齊齊 "下地獄" !!! 今年間 "酒店" ... 基本上, 呢間算不上酒店 ... 成班猶如孤兒仔, 去左保良局北潭渡營 !!!

果部比閉路視還要細的 "吊掛式電視" ... 唔知想點 !!

果部 "低 B 暖爐" ... 真係低 B 的 !!! 邊有人會將部暖爐收埋喺個窗簾後面 ? 係呀 ... 暖爐一呎以內係好暖架 ... 之不過, 我地係閂窗簾訓架囉 ... 咁個暖爐 ... 我想問, 有 Q 用 ??? 最後, 晚晚都要同啤啤一齊訓, 先至暖番 D ... so sweet ~~~

(猶如鬼屋一般的 "保良局北潭涌")

擔心篇:

一黎到第二日, 就接到 ICU 消息 .... 雖然感情唔算深, 不過, 你話唔擔心 ... 搵鬼信咩 ... 好彩, 臨近尾聲知道情況好轉, 個心都定番 D ...

惡夢篇:

驚嚇北潭涌, 搞到一個二個都發惡夢 ...

有人夢見舊情人, 舊情人同佢講 "由頭到尾我都冇鍾意過你, 你好賤格"

準新娘夢見自己掛住打台灣牌, 唔記得左化妝, 酒席開始, 連化妝姐姐都唔見左人

有人 (老細) 夢見 C.F.O ... 追問佢既 budget , d 錢洗哂去邊 ??

有人夢見自己發爛 jar "我唔要住呢間酒店, 要我住喺度, 我要即刻返 HK

有人夢見某男同事 D 腳毛長到打哂 kick, 幾乎俾某男同事既腳毛纏到抖唔到氣

開餐篇:

頭幾日 show , 未到數 ... 冇淡好食 !! 唔酸既酸 spicy 湯, 白 la side 既菜, 最唔鍾意食既露筍 ... 想死 !!! "Paco" 話 show 場好忙, 唔俾喺 show 場食早餐 ... 被迫食左 2 日界損咀既麵包 + 全世界最難飲既咖啡 ... 即係我想講, 呢個所謂早餐, 係價值 EURO 6 !!! 妖 !!!

Show 尾聲, 知道破左記錄 ... 終於回復大魚大肉既日子 ... 大魚大肉事少, 有雪糕食先大 !!! 一人三球雪糕, 冇得頂 !!!

(原來法國既雪糕上面, 都有紙做既 "蔗蔗" 做裝飾)

賭錢 + 派錢篇:

賭錢 ... 就緊架喇 ... 喺未開始去 Basel 之前, 我係唔識玩十三張 ... 架囉 ... 幾純品呢 ~~~

照舊賭錢之餘, 黃生又派錢 ... 成晚同我地玩遊戲 ... HKD, USD, EURO ... 乜野貨幣都有 D !!! 派完錢, 仲要玩種金 ... HKD 100 種到變左做 50 蚊瑞士法郎 ... 哈 ~~

無聊仔與新同事篇:

唔知點解, 個個一出門, 就會變得特別低 B ... 由其係 D 男人 !!!

NDS 有閃電, 原來叫做 - 遭天 "顯"

怪俠一枝玫 @ 大鼻渣波波 ...

原來, 春麗媽媽同 Vicky San 係 "港產之王" ... 乜 Q 港產片都識 ...

地除左有林峰, 仲有 Bosco & 吳家樂 ... 除左知道我地公司有呢 3 位同事之後, 仲學識左朝偉同呢 3 位既分別 ... 前者係 "明星" ... 後者係 "演員" ... 哈哈 ~~~

除左明星演員, 我地仲有 ... 忍者龜 ... 哈哈 ~~~ 世伯真係冇得頂 ~~

完結篇:

辛苦完, 拉大隊去 Paris lu ...

開飯 ...

又走喇 ...

越做越冇心機 ... 乜都唔想理 ... 乜都唔想搞 ...

臨收工前半個鐘, 睇下大佬仲有咩要幫手 ...

三幾下手腳, 搞掂哂 ...

我都唔明, 點解阿有趣小姐要搞咁耐 ??

返去買野安置大小王子,

拎到一抽二 lung ...

左一袋, 右一袋 ... 好 Q 重 !!!

今晚, 覺得自己好勁 !!!!

一心諗住等 Pooh Pooh 返黎食個飯,

點知 ... 算擺啦 ...

二話不說落左元朗搵輝哥 ...

其實 ... 我想講 ... 喺出門口果一刻, 係唔知可以去邊 ...

淨係知 ... 我好想出街 !!!

其實好餓, 成碟腸粉 & 魚蛋, 食到一粒都冇淨 !!!

一見到 "美味腸仔" ... 唔想食喇我 ...

我都知今日單野野真係好無聊,

但係 ... 我又的而且確係咁喎 ...

好想講 ... " 係我架 ... 唔係你架 .... "

* * * * * * * * * * * * * * * * * * * * * * * * * * * * * * * * *

回家途中 ... 唉 ~~~~~~~~~~~

明明冇再搞過個傷口,

但係 ... 無啦啦又流哂血, 好痛 ...

我指既 ... 係我個海潮咀 ...

* * * * * * * * * * * * * * * * * * * * * * * * * * * * * * * * *

聽日又要飛喇 ... 又要麻煩契爺 & 高太照顧大小王子呢 ...

放心啦 ... 我會買 "手信" 俾契爺你架喇 ~~~

希望你張床仲有位放我既 "新手信" 啦 ... 哈 !!!

之不過, 今次, 我應該買幾多份呢 d "手信" 呢又 ???

* * * * * * * * * * * * * * * * * * * * * * * * * * * * * * * * *