兩年前後的 "我想 / 我不想"

兩年前的 ...

我想訓, 但唔想發夢
我想喊, 但唔想第二日對眼腫過雞蛋
我想笑, 但唔想俾人話我傻傻地
我想瘦, 但唔想做運動
我想食野, 但唔想肥
我想靜下, 但唔想悶
我想獨立, 但唔想一個人
我想放假, 但唔想冇糧出
我想轉工, 但唔想辜負人地對我既期望
我想有錢, 但唔想人地覺得我虛榮
我想叻 D , 但唔想咁辛苦
我想見佢, 但唔想再俾人可憐自己, 更加唔想俾人鬧
我想憎佢, 但唔想將佢當成仇人
我想爭氣, 但唔想俾人話我冇鬼用
我想失憶, 但唔想連開心既野都唔記得埋
我想搬屋, 但唔想煩

兩年後的 ...

我仍然想訓, 但仍然唔想發夢
我仍然想靜下, 但仍然唔想悶
我仍然想獨立, 但仍然唔想一個人

我想喊, 但唔想俾人見到
我唔想笑, 但唔想俾人知
我想去一個旅行, 但唔想太柴娃娃
我想辭職, 但唔想攬住 2 個仔訓街
我想遠離所有 trap, 但唔想覺得太空虛
我想要一個抖不過氣的抱抱, 但唔想亂黎

我想 ? 我唔想 ??
其實 ... 想點 ??