忽然拉闊 ....

一連兩晚既分享 ... 感覺好好多 lu .... 多謝陳氏女子 s !!!

分享既後遺症 = 累 !! 連帕布都走埋, 唯一一個偷懶既機會都冇埋 ... 疊埋心中返工 ... 擺啦 ~

正當做到傻傻地之制, 一個唔識既長途電話 ... "喂, 有草蜢飛" ... 嘩嘩嘩嘩嘩嘩 ... 開心到不得之了, 前晚先同陳氏女子講冇得睇 ... 突然間又有得睇 ... 即刻打俾呢位陳得戚小姐報告, 我仲開心到唱歌添呀 ... 哈哈 ~~

收工返屋企眠左眠, 同呀得戚小姐食左 D 野, 就 join 埋全世界最好既男人 & Pooh Pooh 坐藍色的士去雞場睇 show !!

開場喇 ... 開場喇 ... 咦, 點解係祖兒先架 ? 雖然對佢油麻地, 不過佢唱阿蜢既歌丫麻 ... 所以都聽得好用心 ... 老公出場喇, 嘩嘩嘩 ... 真係不得了 !! 雖然唱慢歌 ... 不過我都已經好想企起身喇 !!

嘩嘩嘩 ... 望星星呀 ... 點解你地會唱呢首歌架 ?? 望這星 ... 望那星 ... 在這天空中閃爍沒停 ~~~

嘩嘩嘩 ... 火宅之人呀 !!! 佢地連自己演唱會都冇唱過呢首歌架 ... 開心死我喇 !!

嘩嘩嘩 ... 我好想企起身喇 ... 但係 ... 環顧四周, D 人靜到死 ... 點跳喎 !! 尾聲, 唱快歌喇 ... 唔得喇, 我忍唔住喇, 一野彈左起身 ... 唔知周圍 D 人係俾我感染到丫, 定係因為我阻住哂, 搞到佢地睇唔到 ... 突然企哂起身 ... 跳跳跳, 嗌嗌嗌 !!! 好正呀 ~~~ 就連一早聲明唔會同我癲既 2 位先生, 都企埋起身跳跳跳 ... 好爽呀 !!!

今晚, 真係好開心呀 .. 一早已經預左冇得睇 ... 當你冇哂希望既時候, 突然由個天度跌左幾張飛落黎 ... 真係好呀 ~~~ 多謝 Pooh Pooh ~~~